ഇടുക്കി : ഇടുക്കി നെടുംകണ്ടത്ത് കളിയ്ക്കുന്നതിനിടെ അബദ്ധത്തിൽ കയർ കഴുത്തിൽ കുരുങ്ങി 13 വയസുകാരൻ മരിച്ചു. വാഴവര മഠത്തിപ്പറമ്പിൽ ബിജു- സൗമ്യ മകൻ ജെറാൾഡ് ആണ് മരിച്ചത്. വൈകുന്നേരം മൂന്ന് മണിയോടെയാണ് സംഭവം.
നെടുങ്കണ്ടത് അച്ഛന്റെ സഹോദരിയുടെ വീട്ടിൽ എത്തിയതാരുന്നു ജെറാൾഡ്. ഉച്ചയ്ക്ക് ശേഷം കളിയ്ക്കുന്നതിനായി വീടിന്റെ ടെറസിലേക്ക് പോയതായിരുന്നു. കുറേ നേരം കഴിഞ്ഞും കാണാതായതോടെ വീട്ടുകാർ അന്വേഷിച്ചു ചെന്നപ്പോഴാണ് കുട്ടിയെ കഴുത്തിൽ കയർ കുരുങ്ങിയ നിലയിൽ കണ്ടെത്തിയത്.
കാല് രണ്ടും കൂട്ടിക്കെട്ടിയ നിലയിൽ ആണ് കുട്ടിയെ കാണപ്പെട്ടത്. നാട്ടുകാരുടെ സഹായത്തോടെ ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. നെടുങ്കണ്ടം പൊലീസ് അന്വേഷണം ആരംഭിച്ചു.
ALSO READ : വാക്സിനേഷൻ ഇടവേള: ഹൈക്കോടതി വിധിക്കെതിരായ കേന്ദ്ര സർക്കാർ അപ്പീൽ പരിഗണിക്കുന്നത് തിങ്കളാഴ്ച