എറണാകുളം: സംവിധായകൻ ബൈജു കൊട്ടാരക്കരയ്‌ക്കെതിരായ കോടതിയലക്ഷ്യക്കേസ് ഹൈക്കോടതി തീർപ്പാക്കി. നിരുപാധികം മാപ്പ് പറഞ്ഞതിനെ തുടർന്നാണ് കേസ് തീർപ്പാക്കിയത്. കോടതിയെ അപമാനിക്കുന്ന രീതിയില്‍ ഇനി പ്രസ്‌താവനകളുണ്ടാവില്ലെന്നും ബൈജു രേഖമൂലം കോടതിയെ അറിയിച്ചു.
നടിയെ ആക്രമിച്ച കേസിനെ സംബന്ധിച്ച് നടന്ന ചാനല്‍ ചര്‍ച്ചക്കിടെ വിചാരണ കോടതി ജഡ്‌ജിക്കെതിരായ പരാമർശത്തെ തുടർന്നാണ് ബൈജു കൊട്ടാരക്കരക്കെതിരെ ഹൈക്കോടതി സ്വമേധയ കോടതിയലക്ഷ്യക്കേസ് എടുത്തത്. സ്വകാര്യ ചാനൽ ചർച്ചയ്ക്കിടെയുണ്ടായ പ്രസ്‌താവനയില്‍ ഇതേ ചാനലിലൂടെ താൻ മാപ്പ് പറഞ്ഞതായും ബൈജു കൊട്ടാരക്കര സത്യവാങ്ങ്മൂലത്തിലൂടെ കോടതിയെ അറിയിച്ചു.
ബൈജു പരസ്യമായി മാപ്പ് പറയണമെന്ന് കോടതി നേരത്തെ നിർദേശിച്ചിരുന്നു.
