പാരിസ്: നീസിനെതിരെ ഇന്നലെ നടന്ന ഫ്രഞ്ച് കപ്പ് മത്സരം വളരെയധികം ശ്രദ്ധിക്കപ്പെട്ടതിന്‍റെ പ്രധാന കാരണം ലയണൽ മെസി കുറച്ചു കാലങ്ങൾക്കു ശേഷം വീണ്ടും ക്ലബ് തലത്തിൽ പത്താം നമ്പർ ജേഴ്‌സി അണിഞ്ഞുവെന്നതാണ്. പിഎസ്‌ജിയിലെത്തിയ സമയത്ത് നെയ്‌മർ പത്താം നമ്പർ ജേഴ്‌സി മെസിക്ക് വാഗ്‌ദാനം ചെയ്‌തിരുന്നെങ്കിലും അതു നിഷേധിച്ച താരം സാധാരണയായി പി.എസ്.ജിയില്‍ 30-ാം നമ്പർ ജഴ്‌സിയാണ് ധരിക്കുന്നത്.
-
Messi wearing No.10 and surrounded by opposition players.
— ESPN FC (@ESPNFC) January 31, 2022 " class="align-text-top noRightClick twitterSection" data="
Some things never change 🐐 pic.twitter.com/6Pt21Lu0L5
">Messi wearing No.10 and surrounded by opposition players.
— ESPN FC (@ESPNFC) January 31, 2022
Some things never change 🐐 pic.twitter.com/6Pt21Lu0L5Messi wearing No.10 and surrounded by opposition players.
— ESPN FC (@ESPNFC) January 31, 2022
Some things never change 🐐 pic.twitter.com/6Pt21Lu0L5
ഇന്നലെ നടന്ന മത്സരത്തിൽ ഏതാനും മാസങ്ങൾക്കു ശേഷം മെസി ക്ലബ് തലത്തിൽ വീണ്ടും പത്താം നമ്പർ ജേഴ്‌സി അണിയുകയുണ്ടായി. ഫ്രഞ്ച് കപ്പിന്‍റെ നോക്കൗട്ട് മത്സങ്ങളിൽ നടപ്പാക്കാറുള്ള ഒരു സമ്പ്രദായമാണ് മെസിക്ക് വീണ്ടും പത്താം നമ്പർ ജേഴ്‌സി അണിയാൻ അവസരം ഒരുക്കിയത്. ഇതു പ്രകാരം ഫ്രഞ്ച് കപ്പ് നോക്കൗട്ട് മത്സരത്തിൽ ഒന്നാം നമ്പർ മുതൽ പതിനൊന്നാം നമ്പർ വരെയുള്ള ജേഴ്‌സികളിലാണ് ടീമിലെ താരങ്ങൾ ആദ്യ ഇലവനിൽ അണിനിരക്കുക.
പത്താം നമ്പർ ജേഴ്‌സിയുടെ ഉടമയായ നെയ്‌മർ പരിക്കു കാരണം കുറച്ചു കാലമായി കളിക്കളത്തിൽ നിന്നും വിട്ടു നിൽക്കുന്നതാണ് മെസിക്കു വീണ്ടും ക്ലബ് തലത്തിൽ പത്താം നമ്പർ ജേഴ്‌സി അണിയാനുള്ള അവസരം ലഭിച്ചത്. നെയ്‌മർ ഈ മത്സരത്തിൽ ടീമില്‍ ഉണ്ടായിരുന്നെങ്കില്‍ ലയണൽ മെസി പത്താം നമ്പർ ഒഴികെ, ഒന്നു മുതൽ പതിനൊന്നു വരെയുള്ള മറ്റേതെങ്കിലും നമ്പറിലാവും കളത്തിലിറങ്ങിയിട്ടുണ്ടാവുക.
അതേസമയം ലയണൽ മെസി വീണ്ടും ക്ലബ് കരിയറില്‍ പത്താം നമ്പർ ജേഴ്‌സിയണിഞ്ഞ മത്സരം താരത്തിനും പിഎസ്‌ജിക്കും കടുത്ത നിരാശയാണു സമ്മാനിച്ചത്. നിശ്‌ചിത സമയത്ത് ഗോൾ രഹിതമായ മല്‍സരം പെനാൽറ്റി ഷൂട്ടൗട്ടില്‍ രണ്ടു പെനാൽറ്റി കിക്കുകൾ പാഴാക്കിയ നിലവിലെ ചാമ്പ്യൻമാരായ പിഎസ്‌ജി തോൽവി വഴങ്ങി ടൂർണമെന്‍റില്‍ നിന്നും പുറത്താവുകയായിരുന്നു.
ALSO READ:ഫ്രഞ്ച് കപ്പില്‍ പിഎസ്‌ജി പുറത്ത്, നീസിനോട് തോറ്റത് പെനാല്‍റ്റിയില്‍
