ലണ്ടന്: ഇംഗ്ലണ്ട് മുന് പരിശീലകന് ടെറി വെനബിൾസ് (80) അന്തരിച്ചു. (Former England manager Terry Venables passes away) ദീർഘനാളായി അസുഖ ബാധിതനായിരുന്നു. ലീഗ് മാനേജേഴ്സ് അസോസിയേഷൻ പ്രസ്താവനയിലൂടെ ടെറി വെനബിൾസിന്റെ മരണ വാര്ത്ത സ്ഥിരീകരിച്ചിട്ടുണ്ട്.
1996-ല് യൂറോപ്യന് ചാമ്പ്യന്ഷിപ്പിന്റെ സെമി ഫൈനലിലേക്ക് ഇംഗ്ലണ്ടിനെ നയിച്ച പരിശീലകനാണ് ടെറി വെനബിൾസ്. 1994 മുതല് 1996 വരെയുള്ള രണ്ട് വര്ഷക്കാലമാണ് അദ്ദേഹം ഇംഗ്ലണ്ടിനെ പരിശീലിപ്പിച്ചത്. ഓസ്ട്രേലിയയുടേയും ബാഴ്സലോണ (Barcelona), ടോട്ടൻഹാം (Tottenham), ക്രിസ്റ്റല്പാലസ് ( Crystal Palace), ലീഡ്സ് യുണൈറ്റഡ് () തുടങ്ങിയ ക്ലബുകളുടേയും പരിശീലകനായി ടെറി വെനബിൾസ് പ്രവര്ത്തിച്ചിട്ടുണ്ട്.
1991-ല് ടോട്ടനെത്തെ എഫ്എ കപ്പ് ജേതാക്കളാക്കുന്നതില് ടെറി വെനബിൾസിന്റെ തന്ത്രങ്ങള്ക്ക് നിര്ണായ പങ്കാണുണ്ടായിരുന്നത്. ലാ ലിഗയില് കിരീടമില്ലാത്ത 11 വര്ഷങ്ങള്ക്ക് അറുത്തിയ പരിശീലകന് കൂടിയാണ് ടെറി വെനബിൾസ്. 1985-ല് ആയിരുന്നു വെനബിൾസിന് കീഴില് ബാഴ്സ ലാ ലിഗ കിരീടം ഉയര്ത്തിയത്.
ഈ വര്ഷം തന്നെ ടീമിനെ യൂറോപ്യന് കപ്പിന്റെ ഫൈനലിലേക്ക് എത്തിക്കാനും അദ്ദേഹത്തിന് കഴിഞ്ഞു. ബ്രിട്ടീഷ് സ്ട്രൈക്കർമാരായ ഗാരി ലിനേക്കർ, മാർക്ക് ഹ്യൂസ് എന്നിവരെ നൗക്യാമ്പിലെത്തിച്ചതിന് പിന്നില് വെനബിൾസായിരുന്നു. കളിക്കാരനെന്ന നിലയിലും മിന്നും കരിയറാണ് ടെറി വെനബിൾസിനുള്ളത്.
1960-ൽ ചെൽസിക്കൊപ്പമാണ് താരം തന്റെ പ്രൊഫഷണൽ കരിയർ ആരംഭിച്ചത്. തുടര്ന്ന് ടോട്ടനം, ക്വീൻസ് പാർക്ക് റേഞ്ചേഴ്സ്, ക്രിസ്റ്റൽ പാലസ് എന്നീ ടീമുകള്ക്കായാണ് താരം പന്തുതട്ടിയത്. 500-ലധികം ലീഗ് മത്സരങ്ങളുടെ ഭാഗമാവാന് അദ്ദേഹത്തിന് കഴിഞ്ഞിട്ടുണ്ട്.
1967-ൽ ടോട്ടനത്തിനൊപ്പം എഫ്എ കപ്പ് ഉയര്ത്തി. അന്തരാഷ്ട്ര തലത്തില് ഇംഗ്ലണ്ടിനായി രണ്ട് മത്സരങ്ങളിലാണ് ടെറി വെനബിൾസ് പന്ത് തട്ടിയത്. 1991 മുതൽ 93 വരെ ടോട്ടനത്തിന്റെ ചീഫ് എക്സിക്യൂട്ടീവായി രണ്ട് വർഷത്തെ സേവനവും അദ്ദേഹം നടത്തിയിട്ടുണ്ട്.
ALSO READ: മാറക്കാനയിലെ തല്ലും നായാട്ടും; ബ്രസീലിന് മാത്രമല്ല, അര്ജന്റീനയ്ക്ക് എതിരെയും ഫിഫ നടപടി