ETV Bharat / sports

ഇംഗ്ലീഷ് പ്രീമിയർ ലീഗ് : ആൻഫീൽഡിൽ തകർന്നടിഞ്ഞ് മാഞ്ചസ്റ്റർ യുണൈറ്റഡ്, ലിവർപൂളിന്‍റ ജയം എതിരില്ലാത്ത നാലു ഗോളിന്

author img

By

Published : Apr 20, 2022, 10:18 AM IST

epl-2021-22-liverpool-fc-beat-man-united-by-4-0-at-anfield ഇംഗ്ലീഷ് പ്രീമിയർ ലീഗ് English Premier League liverpool vs Manchester United EPL news Updates ആൻഫീൽഡിൽ തകർന്നടിഞ്ഞ് മാഞ്ചസ്റ്റർ യുണൈറ്റഡ്, ലിവർപൂളിന്‍റ ജയം എതിരില്ലാത്ത നാലു ഗോളിന് EPL: Liverpool defeat Manchester United at Anfield by 4 goals മാഞ്ചസ്റ്റർ യുണൈറ്റഡ് ലിവർപൂൾ epl point table
ഇംഗ്ലീഷ് പ്രീമിയർ ലീഗ് : ആൻഫീൽഡിൽ തകർന്നടിഞ്ഞ് മാഞ്ചസ്റ്റർ യുണൈറ്റഡ്, ലിവർപൂളിന്‍റ ജയം എതിരില്ലാത്ത നാലു ഗോളിന്

പ്രീമിയർ ലീഗ് ചരിത്രത്തിൽ ആദ്യമായാണ് യുണൈറ്റഡ് ലിവർപൂളിനോട് 4 ഗോളിന്‍റെ വ്യത്യാസത്തിൽ ആൻഫീൽഡിൽ തോൽക്കുന്നത്.

ലണ്ടൻ: പ്രീമിയർ ലീഗിൽ ചിരവൈരികളായ മാഞ്ചസ്റ്റർ യുണൈറ്റഡിനെ തകർത്ത ലിവർപൂൾ പോയിന്‍റ് പട്ടികയിൽ ഒന്നാമതെത്തി. ലിവർപൂളിന്‍റെ മൈതാനമായ ആൻഫീൽഡിൽ മത്സരത്തിൽ യുണൈറ്റഡിനെ എതിരില്ലാത്ത നാലു ഗോളുകൾക്കാണ് പരാജയപ്പെടുത്തിയത്. പ്രീമിയർ ലീഗ് ചരിത്രത്തിൽ ഇതാദ്യമായാണ് മാഞ്ചസ്റ്റർ യുണൈറ്റഡ് ലിവർപൂളിനോട് 4 ഗോളിന്‍റെ വ്യത്യാസത്തിൽ ആൻഫീൽഡിൽ തോൽക്കുന്നത്.

തുടക്കം തന്നെ മാഞ്ചസ്റ്റർ യുണൈറ്റഡ് ഡിഫൻസ് ആദ്യ ഗോൾ വഴങ്ങി. അഞ്ചാം മിനിറ്റിൽ സലാ നൽകിയ പാസ് അനായാസം വലയിൽ എത്തിച്ച് ലൂയിസ് ഡിയസ് ലിവർപൂളിനെ മുന്നിൽ എത്തിച്ചു. 22-ാം മിനിറ്റിൽ വൺ ടച്ച് പാസിലൂടെ യുണൈറ്റഡ് പ്രതിരോധം പൊളിച്ച ലിവർപൂൾ സലായുടെ മനോഹരമായ ഫിനിഷിലൂടെ ലീഡുയർത്തി. ഈ സീസണിൽ യുണൈറ്റഡിനെതിരായ സലായുടെ നാലാം ഗോളായിരുന്നുവിത്.

ക്രിസ്റ്റിയാനോ റൊണാൾഡോയില്ലാതെ കളിക്കാനിറങ്ങിയ മാഞ്ചസ്റ്റർ യുണൈറ്റഡിന് ആദ്യ പകുതിയിൽ ഒരു ഷോട്ട് പോലും തൊടുക്കാൻ ആയിരുന്നില്ല. രണ്ടാം പകുതിയിൽ യുണൈറ്റഡിന് രണ്ട് സുവർണ്ണവസരങ്ങൾ കിട്ടി എങ്കിലും എലാംഗയ്ക്കും റാഷ്ഫോർഡിനും അലിസണെ കീഴ്പ്പെടുത്താനായില്ല. പിന്നാലെ 68-ാം മിനുട്ടിൽ സാദിയോ മനേയും ഗോൾ നേടി. കളി തീരാൻ മിനുട്ടുകൾ മാത്രം ബാക്കി നിൽക്കെ സലായുടെ രണ്ടാം ഗോളും വന്നതോടെ മാഞ്ചസ്റ്റർ യുണൈറ്റഡിന്‍റെ പോരാട്ടം അവസാനിച്ചു.

ALSO READ: മകന്‍റെ മരണം: ലിവർപൂളിനെതിരെ ക്രിസ്റ്റ്യാനോ കളിക്കില്ല

32 മത്സരങ്ങളിൽ നിന്ന് 76 പോയിന്‍റുമായാണ് ലിവർപൂൾ ലീഗിൽ ഒന്നാമത്. ഒരു മത്സരം കുറവ് കളിച്ച സിറ്റി 74 പോയിന്‍റുമായി രണ്ടാമതാണ്. 33 മത്സരങ്ങളിൽ നിന്ന് 54 പോയിന്‍റുള്ള മാഞ്ചസ്റ്റർ യുണൈറ്റഡ് ആറാമത് നിൽക്കുന്നു.

  • Players for Man Utd and Liverpool are wearing black armbands this evening to pay tribute for the loss suffered by @Cristiano.

    The thoughts of all of us at the Premier League are with him and his family. pic.twitter.com/bobUgGGVwe

    — Premier League (@premierleague) April 19, 2022 " class="align-text-top noRightClick twitterSection" data=" ">

TAGGED:

ഇംഗ്ലീഷ് പ്രീമിയർ ലീഗ്English Premier Leagueliverpool vs Manchester UnitedEPL news Updates

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ഫീച്ചേർഡ്

ഇന്ത്യയുടെ കൂറുമാറ്റ നിരോധന നിയമത്തിൻ്റെ ദൗർഭാഗ്യകരമായ യാഥാർഥ്യം; ഭാവിയെന്ത്? - Anti Defection Law India

പാണ്ടിക്കണ്ടത്തെ കുട്ടികൾ ഇനി വെള്ളത്തെ പേടിക്കില്ല; അവർ നീന്തി തുടിക്കുകയാണ്‌ - SWIMMING TRAINING FOR CHILDREN

'വഴക്കിനു വേണ്ടി വഴക്ക് കൂടാനുള്ള മാനസികാവസ്ഥയിൽ അല്ല'; ഇടിവി ഭാരതിനോട് പ്രതികരിച്ച് ടോവിനോ ചിത്രത്തിന്‍റെ നിർമാതാവ് - GIREESH NAIR ON VAZHAKKU RELEASE

165 വർഷം പഴക്കമുള്ള ഗുഹയിലേക്ക് നൂഴ്‌ന്നിറങ്ങുന്ന സാഹസികന്‍; വൈറലായി വീഡിയോ - Man entered into165 year old tunnel

ട്രെന്‍ഡിങ്ങ്

(ഏതെങ്കിലും ടോപ്പിക്കില്‍ ക്ലിക്ക് ചെയ്യൂ)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.