ലണ്ടന്‍: 2019 ലോകകപ്പ് ഫൈനലില്‍ ഇംഗ്ലണ്ട് - ന്യൂസിലൻഡ് പോരാട്ടത്തിൽ ഓവര്‍ത്രോ സ്റ്റോക്ക്സിന്റെ ബാറ്റില്‍ തട്ടി ബൗണ്ടറി ലൈന്‍ കടന്നത് ക്രിക്കറ്റ് ലോകത്തിന് മറക്കാനാവാത്ത ദൃശ്യമാണ്. ന്യൂസിലൻഡിന് ക്രിക്കറ്റ് ലോക കിരീടം നഷ്ടമാകുന്നതിന് പോലും ആ ഓവർത്രോ കാരണമായി. ലോര്‍ഡ്‌സില്‍ അത് വീണ്ടും ആവര്‍ത്തിച്ചിരിക്കുകയാണ്. എതിരാളി അതേ ന്യൂസിലന്‍ഡ് തന്നെയാണ് എന്നതാണ് കൗതുകം.
-
Lord's 2019 🤝 Lord's 2022 pic.twitter.com/5Q4Y4PlVxZ
— Johns. (@CricCrazyJohns) June 4, 2022 " class="align-text-top noRightClick twitterSection" data="
">Lord's 2019 🤝 Lord's 2022 pic.twitter.com/5Q4Y4PlVxZ
— Johns. (@CricCrazyJohns) June 4, 2022Lord's 2019 🤝 Lord's 2022 pic.twitter.com/5Q4Y4PlVxZ
— Johns. (@CricCrazyJohns) June 4, 2022
ഇംഗ്ലണ്ട്-ന്യൂസിലന്‍ഡ് ടെസ്റ്റിന്‍റെ മൂന്നാം ദിനത്തിന്‍റെ അവസാന സെഷനിലാണ് 2019 ലോകകപ്പിലേതിന് സമാനമായ സംഭവത്തിന് ലോർഡ്‌സ് സാക്ഷിയായത്. ട്രെൻഡ് ബോള്‍ട്ടിന്‍റെ ഡെലിവറിയില്‍ റൂട്ട് ബൗണ്ടറിക്ക് ശ്രമിച്ചെങ്കിലും സര്‍ക്കിളിനുള്ളില്‍ തന്നെ പന്ത് പിടിച്ചെടുത്ത കിവീസ് ഫീല്‍ഡര്‍ പന്ത് നോണ്‍സ്‌ട്രൈക്കേഴ്‌സ് എന്‍ഡിലേക്ക് എറിഞ്ഞു. ഈ സമയം സിംഗിളിനായുള്ള ശ്രമം ഉപേക്ഷിച്ച് ക്രീസിലേക്ക് തിരികെ ഓടിയ സ്റ്റോക്ക്സിന്റെ ബാറ്റില്‍ തട്ടിയ പന്ത് ബൗണ്ടറിയിലേക്ക് പോകുകയായിരുന്നു.
ALSO READ: നായകസ്ഥാനം ആരോഗ്യത്തെ മോശമായി ബാധിച്ചു: ഇംഗ്ലണ്ട് മുൻനായകൻ ജോ റൂട്ട്
പിന്നാലെ തന്‍റെ കൈ ഉയര്‍ത്തി സ്റ്റോക്ക്‌സ് ക്ഷമ പറഞ്ഞപ്പോള്‍ 2019 ലോകകപ്പ് ഫൈനലാണ് ക്രിക്കറ്റ് ലോകത്തിന്‍റെ ഓര്‍മയിലേക്ക് എത്തിയത്. ലോകകപ്പിലെ സ്റ്റോക്ക്സിന്റെ ബാറ്റില്‍ തട്ടി പന്ത് പുറത്തേക്ക് പോയതും നിര്‍ണായകമായ റണ്‍സ് ഇംഗ്ലണ്ടിന് ലഭിച്ചതും വലിയ വിവാദത്തിനാണ് തിരികൊളുത്തിയിരുന്നത്.
