വിവാഹവേദിയിൽ വിജയ്‌യുടെ വാത്തി കമിങ്ങിനും അല്ലു അർജുന്‍റെ രാമുലു രാമുലാ ഗാനത്തിനും ചുവടുവച്ച് മലയാളികളുടെ മനസ്സിൽ ഇടംപിടിച്ച കൊച്ചുമിടുക്കിയുടെ ഏറ്റവും പുതിയ റീൽസ് വീഡിയോ വൈറലാകുന്നു. ആറു വയസുകാരിയായ വൃദ്ധി വിശാലിന്‍റെ ഡബിൾ റോളിലുള്ള റൊമാന്‍റിക് ഗാനമാണ് സമൂഹമാധ്യമങ്ങളിൽ ട്രെൻഡിങ്ങിൽ ഇടംപിടിച്ചിരിക്കുന്നത്.
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
തലയിൽ വിഗ്ഗു മീശയും കൂളിങ് ഗ്ലാസും വച്ച് ഡിജെ പിക്കാച്ചുവായും, സാരിയുടുത്ത് റൊമാന്‍റിക് നായികയായുമാണ് വൃദ്ധിയുടെ പുതിയ അവതരണം. ഇളയരാജയുടെ 'കൊടൈ വെപ്പത്തിൽ' എന്ന ഗാനത്തിനാണ് വൃദ്ധി വിശാലിന്‍റെ കോമഡിയും നർമവും കലർന്ന പുതുപുത്തൻ ഡാൻസ്. ചുരുങ്ങിയ സമയത്തിനുള്ളിൽ കൊച്ചുമിടുക്കിയുടെ ഭാവങ്ങളും അവതരണവും പ്രേക്ഷകരുടെയും ശ്രദ്ധ പിടിച്ചുപറ്റുകയാണ്.
More Read: വൃദ്ധി വിശാല്‍ ഇനി പൃഥ്വിയുടെ മകൾ
വാത്തി കമിങ് ഡാൻസിലൂടെ സമൂഹമാധ്യമങ്ങളിൽ പ്രശസ്‌തയായ വൃദ്ധി വിശാൽ കൊച്ചി കുമ്പളങ്ങി സ്വദേശിയാണ്. വീഡിയോ വൈറലായതോടെ പൃഥ്വിരാജ് നായകനാകുന്ന കടുവ എന്ന ഷാജി കൈലാസ് ചിത്രത്തിൽ താരത്തിന്‍റെ മകളായി വൃദ്ധി അഭിനയിക്കുമെന്ന് നിർമാതാക്കൾ അറിയിച്ചിരുന്നു. കൂടാതെ, അന്ന ബെൻ- സണ്ണി വെയ്‌ൻ ചിത്രം സാറായിലും വൃദ്ധി മുഖ്യവേഷത്തിൽ എത്തിയിട്ടുണ്ട്. കുട്ടിത്താരത്തിന്‍റെ പുതിയ ഫോട്ടോഷൂട്ടുകളും ചിത്രങ്ങളും മാതാപിതാക്കൾ സമൂഹമാധ്യമങ്ങളിൽ പങ്കുവക്കാറുണ്ട്.
