ജോഷിയുടെ സംവിധാനത്തിൽ സുരേഷ് ഗോപി നായകനാകുന്ന പാപ്പൻ എന്ന ചിത്രത്തിനായി വലിയ ആകാംക്ഷയിലാണ് സിനിമാപ്രേക്ഷകർ. നീണ്ട ഏഴ് വർഷത്തെ ഇടവേളക്ക് ശേഷം ജോഷിയും സുരേഷ് ഗോപിയും ഒന്നിക്കുന്ന മലയാളചിത്രത്തിന്‍റെ ഷൂട്ടിങ് കഴിഞ്ഞ ദിവസം ആരംഭിച്ചിരുന്നു.
- " class="align-text-top noRightClick twitterSection" data="
">
കനിഹയും ചിത്രത്തിൽ പ്രധാന വേഷം ചെയ്യുന്നുണ്ട്. ഇപ്പോഴിതാ, സുരേഷ് ഗോപിക്കും മകൻ ഗോകുൽ സുരേഷിനും സിനിമയുടെ നിർമാതാവ് ഡേവിഡ് കാച്ചപ്പിള്ളിക്കും ഒപ്പം ലൊക്കേഷനിൽ നിന്നുള്ള ചിത്രം പങ്കുവെച്ചിരിക്കുകയാണ് കനിഹ. "അച്ഛനും മകനും; സുരേഷ് ഗോപിയും ഗോകുൽ സുരേഷും, ഒപ്പം നിർമാതാവ് ഡേവിഡ് കാച്ചപ്പിള്ളി. നിങ്ങളോടൊപ്പം എപ്പോഴും പ്രവർത്തിക്കുന്നതിലും സംസാരിക്കുന്നതിലും സന്തോഷം," എന്നാണ് കനിഹ ഇൻസ്റ്റഗ്രാമിൽ കുറിച്ചത്.
രുദ്ര സിംഹാസനം, ക്രിസ്ത്യന്‍ ബ്രദേഴ്‌സ് തുടങ്ങിയ ചിത്രങ്ങളിലും സുരേഷ് ഗോപിയും കനിഹയും ഒന്നിച്ച് അഭിനയിച്ചിട്ടുണ്ട്. പാപ്പൻ എന്ന ചിത്രത്തിൽ ഗോകുൽ സുരേഷും മുഖ്യവേഷം ചെയ്യുന്നുണ്ട്. കെയർ ഓഫ് സൈറാ ബാനുവിന്‍റെ തിരക്കഥാകൃത്ത് രചന നിർവഹിക്കുന്ന ചിത്രത്തിൽ നൈല ഉഷ, സണ്ണി വെയ്ൻ, നീതാ പിള്ള എന്നിവരാണ് മറ്റ് പ്രധാന താരങ്ങൾ.
