പുത്തന്‍ ഫോട്ടോയ്‌ക്കൊപ്പം എഴുത്തുകാരി മാധവിക്കുട്ടിയുടെ വരികള്‍ കൂടി എഴുതി ചേര്‍ത്ത് സോഷ്യല്‍മീഡിയയില്‍ പോസ്റ്റ് ചെയ്‌തപ്പോള്‍ നടിയും അവതാരികയുമായ ജുവല്‍ മേരി ഇത്രക്ക് പുലിവാല് പിടിക്കുമെന്നും വൈറലാകുമെന്ന് കരുതികാണില്ല...
ക്യാപ്‌ഷനില്‍ എഴുതിയ വരികളിലെ പൂവിന്‍റെ പേര് മറിപ്പോയതാണ് ജുവല്‍മേരിയെ ട്രോളാന്‍ സോഷ്യല്‍മീഡിയ തീരുമാനിച്ചതിന് കാരണം. 'നമ്പ്യാര്‍വട്ടപൂവ് പോലെയാണ് സ്‌നേഹിക്കപ്പെടുന്ന സ്ത്രീ, അവരുടെ മുഖം എപ്പോഴും സുന്ദരമായിരിക്കും' എന്നായിരുന്നു ജുവല്‍ എഴുതിയത്. മാധവിക്കുട്ടിയുടെ വരികള്‍ കടമെടുക്കുകയായിരുന്നുവെങ്കിലും പൂവിന്‍റെ പേര് തെറ്റിപ്പോയി.
- " class="align-text-top noRightClick twitterSection" data="">
ഇതോടെ പൂവിന്‍റെ പേര് നമ്പ്യാര്‍വട്ടമല്ല നന്ത്യാര്‍വട്ടമാണെന്ന് പറഞ്ഞുകൊണ്ട് നിരവധി പേര് എത്തി. പൂവിന്‍റെ പേര് ശരിയായി ഉപയോഗിക്കണമെന്നും മാധവിക്കുട്ടിയുടെ വരികള്‍ പറയുമ്പോള്‍ അവര്‍ എഴുതിയത് തന്നെ വെക്കണമെന്നും മറ്റ് ചിലര്‍ കുറിച്ചു.
'നമ്പ്യാരും നന്ത്യാരുമല്ല.... ഇത് നായര്‍വട്ടമാണെന്നായിരുന്നു ഒരു കമന്‍റ്. ക്രിസ്ത്യന്‍വട്ടം, മുസ്ലീംവട്ടം, ചാക്യാര്‍വട്ടം, മാപ്പിളവട്ടം എന്നിങ്ങനെ പല വട്ടങ്ങളുണ്ടെന്നും ആളുകള്‍ കമന്‍റില്‍ കുറിച്ചു. ഫോട്ടോ ചര്‍ച്ചയായതോടെ തിരുത്തലുകള്‍ക്ക് ജുവല്‍ മറുപടി നല്‍കി.
Also read: ഒരു തിരക്കഥ പിറവിയെടുക്കുന്നതെങ്ങനെ, കാണാം അനി.ഐ.വി.ശശിയുടെ 'മായ'
'ആ പൂവിന് പല നാട്ടില്‍ പല പേരാണ് വിളിക്കുന്നത്. ഞങ്ങളുടെ നാട്ടില്‍ നമ്പ്യാര്‍വട്ടം എന്നും നന്ത്യാര്‍വട്ടം എന്നും ഒക്കെ കേട്ടിട്ടുണ്ട്. ഏതായാലും ഒരു പൂവിന്‍റെ പേര് ചൊല്ലി ഇത്ര രസകരമായ ഒരു ചര്‍ച്ച നടക്കുമെന്ന് കരുതിയില്ല....' ജുവല്‍ കുറിച്ചു. ഡാന്‍സ്, കുക്കിങ് റിയാലിറ്റി ഷോകളുടെ അവതാരികയായി തിളങ്ങിയിട്ടുള്ള ജുവല്‍ മമ്മൂട്ടി ചിത്രം പത്തേമാരിയിലെ നായികയായിരുന്നു.
