സാന്‍ഫ്രാന്‍സിസ്‌കോ : പ്രമുഖ സോഷ്യല്‍ മീഡിയ പ്ലാറ്റ്‌ഫോമായ എക്‌സിന്‍റെ പ്രവര്‍ത്തനത്തില്‍ തടസം (X Platform Service Down). പ്രവര്‍ത്തനം താത്കാലികമായി നിലയ്‌ക്കാനുള്ളതിന്‍റെ കാരണം വ്യക്തമല്ല. ഉപഭോക്താക്കള്‍ക്ക് തങ്ങളുടെ ടൈംലൈനില്‍ ട്വീറ്റോ റീ ട്വീറ്റോ രേഖപ്പെടുത്താന്‍ സാധിക്കുന്നില്ലെന്നും റിപ്പോര്‍ട്ടുകളുണ്ട്.
ലോകത്തിന്‍റെ വിവിധ ഭാഗങ്ങളില്‍ ഉള്ള ഉപയോക്താക്കള്‍ ഈ പ്രശ്‌നം നേരിടുന്നുണ്ടെന്നാണ് വിവരം. വെബ്‌സൈറ്റിലൂടെയും മൊബൈല്‍ ആപ്ലിക്കേഷനിലൂടെയും എക്‌സില്‍ ലോഗിന്‍ ചെയ്യുന്ന ഉപയോക്താക്കള്‍ക്ക് ഫീഡിലെ പതിവ് ട്വീറ്റുകൾക്ക് പകരം 'നിങ്ങളുടെ ടൈംലൈനിലേക്ക് സ്വാഗതം' എന്നാണ് കാണിക്കുന്നത്. ഇതിന് മുന്‍പും പല പ്രാവശ്യം എക്‌സ് പ്ലാറ്റ്‌ഫോമില്‍ സാങ്കേതിക തകരാര്‍ സംഭവിച്ചിട്ടുണ്ട്.
