കാബൂൾ ചാവേറാക്രമണം: മരണസംഖ്യ 53 ആയി, കൊല്ലപ്പെട്ടവരിൽ 46 പെൺകുട്ടികളും

പടിഞ്ഞാറൻ കാബൂളിന്‍റെ സമീപപ്രദേശത്തുള്ള ഒരു വിദ്യാഭ്യാസ കേന്ദ്രത്തിൽ സർവകലാശാല പ്രവേശന പരീക്ഷ നടന്ന ഹാളിൽ വെള്ളിയാഴ്‌ച രാവിലെയാണ് ചാവേർ ആക്രമണം നടന്നത്.

കാബൂൾ: അഫ്‌ഗാൻ തലസ്ഥാനമായ കാബൂളിലെ വിദ്യാഭ്യാസ സ്ഥാപനത്തിലുണ്ടായ ചാവേറാക്രമണത്തിൽ മരിച്ചവരുടെ എണ്ണം 53 ആയി. കൊല്ലപ്പെട്ടവരിൽ 46 പെൺകുട്ടികളും ഉൾപ്പെടുന്നതായി ഐക്യരാഷ്‌ട്ര സഭ അറിയിച്ചു. 110 പേർക്ക് പരുക്കേറ്റിട്ടുണ്ട്.

പടിഞ്ഞാറൻ കാബൂളിന്‍റെ സമീപപ്രദേശത്തുള്ള ഒരു വിദ്യാഭ്യാസ കേന്ദ്രത്തിൽ സർവകലാശാല പ്രവേശന പരീക്ഷ നടന്ന ഹാളിൽ വെള്ളിയാഴ്‌ച(സെപ്‌റ്റംബര്‍ 30) രാവിലെയാണ് ചാവേർ ആക്രമണം നടന്നത്. സംഭവത്തിന്‍റെ ഉത്തരവാദിത്തം ഇതുവരെയും ആരും ഏറ്റെടുത്തിട്ടില്ല.