കല്യാണി പ്രിയദർശന്‍റെ (Kalyani Priyadarshan) ഏറ്റവും പുതിയ റിലീസാണ് 'ശേഷം മൈക്കിൽ ഫാത്തിമ' (Sesham Mikeil Fathima). ചിത്രത്തിലെ പുതിയ ഗാനം റിലീസ് ചെയ്‌തു. 'ശേഷം മൈക്കിൽ ഫാത്തിമ'യിലെ 'നാ നാ നാ' എന്ന റാപ് ഗാനമാണ് (Na Na Na Rap Song) അണിയറപ്രവര്‍ത്തകര്‍ പുറത്തുവിട്ടത്. സുഹൈല്‍ കോയയുടെ രചനയില്‍ ഹിഷാം അബ്‌ദുല്‍ വഹാബിന്‍റെ സംഗീതത്തില്‍ ഹിഷാമും വീനോ മിസ്സും ചേര്‍ന്നാണ് ഈ ഗാനം ആലപിച്ചിരിക്കുന്നത്.
- " class="align-text-top noRightClick twitterSection" data="">
'ശേഷം മൈക്കിൽ ഫാത്തിമ' നെറ്റ്‌ഫ്ലിക്‌സിന്‍റെ ടോപ്പ് 10ലിും ഇടംപിടിച്ചിരിക്കുകയാണ് (Sesham Mikeil Fathima on Netflix top 10). നെറ്റ്‌ഫ്ലിക്‌സ് ടോപ് 10ല്‍ രണ്ടാം സ്ഥാനത്താണ് ചിത്രം. ഡിസംബര്‍ 15നാണ് 'ശേഷം മൈക്കിൽ ഫാത്തിമ' നെറ്റ്‌ഫ്ലിക്‌സില്‍ സ്‌ട്രീമിംഗ് ആരംഭിച്ചത്. ചിത്രത്തിന് മികച്ച പ്രതികരണമാണ് ഒടിടിയില്‍ നിന്നും ലഭിച്ചുകൊണ്ടിരിക്കുന്നത്.
Also Read: കല്യാണി പ്രിയദര്‍ശന്‍റെ 'ശേഷം മൈക്കില്‍ ഫാത്തിമ' ഒടിടിയിലേക്ക്; സ്‌ട്രീമിംഗ് നെറ്റ്ഫ്ലിക്‌സിൽ
നവംബര്‍ 17ന് തിയേറ്ററുകളില്‍ എത്തിയ ചിത്രം ഒരു മാസത്തിന് ശേഷമാണ് ഒടിടിയില്‍ സ്‌ട്രീമിംഗ് ആരംഭിച്ചത്. തിയേറ്ററുകളിലും മികച്ച പ്രതികരണമാണ് ചിത്രത്തിന് ലഭിച്ചത്. പേര് പോലെ തന്നെ വ്യത്യസ്‌തമായിരുന്നു സിനിമയുടെ പ്രമേയവും. ഇതുവരെ മലയാളി പ്രേക്ഷകര്‍ക്ക് കണ്ട് പരിചയമില്ലാത്ത പ്രമേയമായിരുന്നു 'ശേഷം മൈക്കിൽ ഫാത്തിമ'യുടേത്.
തീര്‍ത്തും വളരെ വ്യത്യസ്‌തമായ അഭിനയമായിരുന്നു കല്യാണിയുടേത്. ഒരു ഫുട്ബാൾ കമന്‍റേറ്റര്‍ ആയാണ് ചിത്രത്തില്‍ കല്യാണി പ്രത്യക്ഷപ്പെടുന്നത്. കല്യാണിയുടെ കരിയറിലെ ഏറെ പ്രത്യേകതകൾ നിറഞ്ഞ ചിത്രം കൂടിയാണ് 'ശേഷം മൈക്കിൽ ഫാത്തിമ'.
മനു സി കുമാര്‍ ആണ് സിനിമയുടെ രചനയും സംവിധാനവും നിര്‍വഹിച്ചത്. ഒരു ഫാമിലി എന്‍റർടെയിനറായാണ് ചിത്രം റിലീസിനെത്തിയത്. കല്യാണിയെ കൂടാതെ സുധീഷ്, സാബുമോൻ, ഷാജു ശ്രീധർ, ഫെമിന, ഷഹീൻ സിദ്ധിഖ്, മാല പാർവതി, പ്രിയ ശ്രീജിത്ത്, സരസ ബാലുശ്ശേരി, അനീഷ് ജി മേനോൻ, ബാലതാരങ്ങളായ തെന്നൽ, വാസുദേവ് തുടങ്ങിയവരും ചിത്രത്തിൽ അണിനിരന്നു.
Also Read: മലയാളത്തില്‍ ആദ്യമായി പാടി അനിരുദ്ധ് ; 'ശേഷം മൈക്കില്‍ ഫാത്തിമ'യിലെ ഗാനം പുറത്ത്
പാഷൻ സ്റ്റുഡിയോസ്, ദി റൂട്ട് എന്നീ ബാനറുകളില്‍ ജഗദീഷ് പളനിസ്വാമിയും സുധൻ സുന്ദരവും ചേർന്നാണ് ചിത്രം നിർമിച്ചത്. ഹിഷാം അബ്‌ദുൽ വഹാബ് ആണ് ചിത്രത്തിലെ ഗാനങ്ങള്‍ക്ക് സംഗീതം ഒരുക്കിയത്. സന്താന കൃഷ്‌ണൻ രവിചന്ദ്രൻ ഛായാഗ്രഹണവും കിരൺ ദാസ് എഡിറ്റിങ്ങും നിർവഹിച്ചു.
ചീഫ് അസോസിയേറ്റ് - സുകു ദാമോദർ, മേക്കപ്പ് - റോണെക്‌സ് സേവിയർ, വസ്‌ത്രാലങ്കാരം - ധന്യ ബാലകൃഷ്‌ണൻ, കല - നിമേഷ് താനൂർ, പ്രൊഡക്ഷൻ കൺട്രോളർ - റിച്ചാർഡ്, പബ്ലിസിറ്റി - യെല്ലോ ടൂത്ത്‌സ്, ക്രിയേറ്റിവ് പ്രൊഡ്യൂസർ - ഐശ്വര്യ സുരേഷ്, പിആർഒ - പ്രതീഷ് ശേഖർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
Also Read: ഫുട്ബാൾ കമന്‍റേറ്റര്‍ സ്വപ്‌നവുമായി കല്യാണി ; ശേഷം മൈക്കിൽ ഫാത്തിമ ട്രെയിലര്‍ പുറത്ത്
