ന്യൂഡൽഹി: സെപ്റ്റംബർ 30ന്‍റെ അവസാന പാദത്തിൽ ഡിസ്‌നി പ്ലസ് ഹോട്ട്സ്റ്റാറിന് 2.8 ദശലക്ഷം വരിക്കാരെ നഷപ്പെട്ടതായി ഡിസ്‌നി സിഇഒ ബോബ് ഇഗർ പറഞ്ഞു. ഇന്ത്യയിൽ ഈ വർഷം ഡിസ്‌നി പ്ലസ് ഹോട്ട്സ്റ്റാറിന് Q3 ൽ 37.6 ദശലക്ഷം വരിക്കാരാണുള്ളത്. Q2 ൽ 40.4 ദശലക്ഷം വരിക്കാറുണ്ടായിരുന്നതിൽ നിന്ന് കുറഞ്ഞാണ് 37.6 ദശലക്ഷത്തിൽ എത്തിനിൽക്കുന്നത്. വരിക്കാർ കുറഞ്ഞെങ്കിലും ഇന്ത്യൻ വിപണിയിൽ തുടരാൻ തങ്ങൾ ആഗ്രഹിക്കുന്നുവെന്നും അദ്ദേഹം കൂട്ടിച്ചേർത്തു.
"ഇതിൽ നിന്ന് പണം സമ്പാദിക്കാനാവുന്നു. എന്നാൽ ബിസിനസിന്‍റെ മറ്റ് ഭാഗങ്ങൾ നമുക്കും മറ്റുള്ളവർക്കും വെല്ലുവിളിയാണെന്ന് ഞങ്ങൾക്കറിയാം. ഇതിനെ വിശാലമായി തന്നെ ഞങ്ങൾ നോക്കി കാണുന്നു" "ഞാൻ ഇത് മുമ്പും പറഞ്ഞിട്ടുണ്ടെന്ന് എനിക്കറിയാം, ഇത് എന്നെ എപ്പോഴും കുഴപ്പത്തിലാക്കുന്നു. എന്നാൽ ഞങ്ങൾ അവിടെ ഞങ്ങളുടെ ഓപ്ഷനുകൾ പരിഗണിക്കുന്നു. ഇന്ത്യ ഭാവിയിൽ ലോകത്തിലെ ഏറ്റവും ജനസംഖ്യയുള്ള രാജ്യമാകാം അല്ലെങ്കിൽ ചൈനയ്ക്ക് തൊട്ടുപിറകിലാവാം. ഞങ്ങളുടെ ബിസിനസ് ശക്തിപ്പെടുത്താൻ ഞങ്ങൾക്ക് അവസരമുണ്ട്." അദ്ദേഹം പറഞ്ഞു.
"ഞങ്ങളുടെ ബിസിനസിന്‍റെ അടിത്തറ മുതൽ ശക്തിപ്പെടുത്താൻ കഴിയുമോ എന്ന് ഞങ്ങൾ നോക്കുകയാണ്. പരസ്യത്തിന്‍റെ കാര്യത്തിൽ ലീനിയർ ബിസിനസ് ഞങ്ങൾ പ്രതീക്ഷിച്ചതിലും അധികം ശക്തമാണെന്ന് ഞങ്ങൾ കണ്ടെത്തിയിരിക്കുന്നു. എന്നാൽ ഞങ്ങൾ ആഗ്രഹിക്കുന്ന അത്രയും ഇത് തിരിച്ചെത്തിയിട്ടില്ല" അദ്ദേഹം കൂട്ടിച്ചേർത്തു.
“ഇത് ഇപ്പോഴും ഒരു വെല്ലുവിളിയാണ്, പക്ഷേ അത് മുമ്പത്തെ അത്രയും മോശമല്ല. അതിനാൽ, ഞങ്ങൾ കുറച്ച് മെച്ചപ്പെടുത്തതായി കണ്ടു. യഥാർത്ഥത്തിൽ ഞങ്ങളുടെ സാങ്കേതിക മേഖല ഇപ്പോഴും കുറച്ച് ദുർബലമാണ്. എന്നാൽ പൊതുവേ പരസ്യങ്ങൾ മെച്ചപ്പെട്ടിട്ടുണ്ട്” സിഇഒ അഭിപ്രായപ്പെട്ടു.
2023 ഐസിസി പുരുഷ ക്രിക്കറ്റ് ലോകകപ്പിന്‍റെ സ്ട്രീമിംഗിനൊപ്പം, ഇന്ത്യയിൽ നടന്നുകൊണ്ടിരിക്കുന്ന ഉത്സവ കാലത്തിൽ ഡിസ്‌നി പ്ലസ് ഹോട്ട്സ്റ്റാർ കൂടുതൽ വരിക്കാരെ ലഭിക്കാനായി ഒരുങ്ങുന്നു. ആഗോളതലത്തിൽ, ഈ പാദത്തിലെയും വർഷത്തിലെയും വരുമാനം വാൾട്ട് ഡിസ്‌നി കമ്പനിക്ക് 5 ശതമാനവും 7 ശതമാനവും വർദ്ധിച്ചിട്ടുണ്ട്. ഡിസ്‌നി പ്ലസ് ഈ പാദത്തിൽ ഏകദേശം 7 ദശലക്ഷം പ്രധാന വരിക്കാരെ ചേർത്തു.
