തിരുവനന്തപുരം: സംസ്ഥാനത്ത് ഇന്നും പെട്രോള്‍ വില വര്‍ധിച്ചു. പെട്രോള്‍ ലിറ്ററിന് 28 പൈസയാണ് കൂടിയത്. അതേസമയം ഡീസല്‍ വിലയില്‍ നേരിയ കുറവ് വന്നിട്ടുണ്ട്. ഡീസല്‍ വില ലിറ്ററിന് 17 പൈസയാണ് കുറഞ്ഞത്.
തിരുവനന്തപുരത്ത് പെട്രോള്‍ ലിറ്ററിന് 103.17 രൂപയും ഡീസല്‍ 96.30 രൂപയുമാണ് ഇന്നത്തെ വില. കൊച്ചിയിൽ പെട്രോളിന് 101 രൂപ 41 പൈസയും ഡീസലിന് 94 രൂപ 54 പൈസയുമാണ് നിലവിൽ. കോഴിക്കോട് ഒരു ലിറ്റര്‍ പെട്രോളിന് 101.65 രൂപയും ഡീസല്‍ 94.90 രൂപയുമായി.
കേരളം ഉള്‍പ്പെടെയയുള്ള സംസ്ഥാനങ്ങളിലെല്ലാം ഇന്ധനവില സര്‍വകാല റെക്കോര്‍ഡിലാണ്. അഞ്ച്‌ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം വന്നശേഷം മെയ് നാല്‌ മുതൽ ഇന്ധനവിലയിൽ തുടർച്ചയായ വർധനയാണുണ്ടാകുന്നത്.
Also Read: മുഖ്യമന്ത്രി ഡല്‍ഹിക്ക് ; പ്രധാനമന്ത്രിയുമായുള്ള കൂടിക്കാഴ്‌ച നാളെ
