കോഴിക്കോട്: കെ റെയിൽ വിരുദ്ധ സമരത്തിന് ഐക്യദാർഢ്യവുമായി പരിസ്ഥിതി പ്രവർത്തക മേധാ പട്കർ തിങ്കളാഴ്‌ച കോഴിക്കോട് എത്തുന്നു. വെങ്ങളം കെ റെയിൽ ജനകീയ പ്രതിരോധ സമിതിയുടെ അനിശ്ചിതകാല സത്യഗ്രഹത്തിന്‍റെ 464-ാം ദിവസമായ ജനുവരി 10നാണ് മേധാ പട്കർ കാട്ടിലപ്പീടിക സമരപന്തലിൽ എത്തുന്നത്.
2020 ഒക്‌ടോബർ 2 മുതലാണ് കെ റെയിൽ പ്രതിരോധ സമിതി അനിശ്ചിത കാല സത്യഗ്രഹ സമരം ആരംഭിച്ചത്. ഇന്ത്യയിലുടനീളം നിരവധി സമരപോരാട്ടങ്ങൾക്ക് നേതൃത്വം വഹിച്ചിട്ടുള്ള മേധാ പട്കർ സമരപന്തലിൽ എത്തിച്ചേരുന്നുവെന്നത് കെ റെയിൽ വിരുദ്ധ സമരത്തിന് ആവേശം പകരുമെന്ന് സമര സമതി പ്രവർത്തകർ പറഞ്ഞു.
പരിസ്ഥിതി പ്രവർത്തകരായ സി.ആർ നീലകണ്ഠൻ, പ്രൊഫ. കുസുമം ജോസഫ്, വിജയരാഘവൻ ചേലിയ കെ റെയിൽ വിരുദ്ധ സംസ്ഥാന സമിതി ചെയർമാൻ എം.പി ബാബുരാജ് തുടങ്ങിയവർ പരിപാടിയിൽ പങ്കെടുക്കുമെന്ന് സമരസമിതി നേതാക്കൾ വാർത്ത സമ്മേളനത്തിൽ പറഞ്ഞു.
Also Read: 'ജനം സർക്കാരിന്‍റെ പല്ല് പറിക്കും' ; എം.വി ജയരാജന് മറുപടിയുമായി രമേശ് ചെന്നിത്തല
