ആലപ്പുഴ : കിഴക്കൻ വെള്ളത്തിന്‍റെ വരവ് ശക്തമായതോടെ തോട്ടപ്പള്ളി സ്‌പിൽവേയിൽ മാലിന്യം നിറഞ്ഞു. ഇതോടെ കുട്ടനാട്, അപ്പർ കുട്ടനാട് ഭാഗത്ത് നിന്ന് സ്‌പിൽവേയിൽ കൂടിയുള്ള നീരൊഴുക്കിന്‍റെ വേഗത കുറഞ്ഞു. സ്ഥിതിഗതികൾ വിലയിരുത്താൻ ജില്ലാ കലക്‌ടർ എ അലക്‌സാണ്ടർ ഐഎഎസ് സ്‌പിൽവേ സന്ദർശിച്ചു.
തോട്ടപ്പള്ളി സ്‌പിൽവേയിൽ മാലിന്യം നിറഞ്ഞു; കുട്ടനാട്ടിൽ നിന്നുള്ള നീരൊഴുക്ക് കുറഞ്ഞു
സ്‌പിൽവേയിൽ തങ്ങി നിൽക്കുന്ന മാലിന്യങ്ങളും പായലും അടിയന്തരമായി നീക്കം ചെയ്യാൻ കലക്‌ടർ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകി. ജലസേചന വകുപ്പിനാണ് മാലിന്യങ്ങൾ നീക്കം ചെയ്യാനുള്ള ചുമതല നൽകിയിരുന്നത്. ഇതിനുള്ള നടപടി ഉടൻ ആരംഭിക്കും.
ALSO READ : കോട്ടയത്ത് മഴ കുറഞ്ഞെങ്കിലും വെള്ളപ്പൊക്ക ഭീതിയൊഴിയാതെ ജനം
