ന്യൂഡൽഹി: അപ്പോളോ മ്യൂണിക്ക് ഹെൽത്ത് ഇൻഷുറൻസിന്‍റെ 51.2 ശതമാനം ഓഹരികൾ സ്വന്തമാക്കുന്നതിന് ഹൗസിംഗ് ഡെവലപ്മെന്റ് ഫിനാൻസ് കോർപ്പറേഷനും (എച്ച്ഡിഎഫ്സി) അതിന്‍റെ അനുബന്ധ കമ്പനിയായ എച്ച്ഡിഎഫ്സി ഇആർജിഒയ്ക്കും റെഗുലേറ്ററി അംഗീകാരങ്ങൾ ലഭിച്ചു.
ഇൻ‌ഷുറൻസ് റെഗുലേറ്ററി ആൻഡ് ഡെവലപ്മെന്റ് അതോറിറ്റി ഓഫ് ഇന്ത്യ (ഐ‌ആർ‌ഡി‌ഐ‌ഐ) അവസാന അനുമതി നൽകിയതായി റെഗുലേറ്ററി ഫയലിംഗിൽ എച്ച്ഡിഎഫ്സി പറഞ്ഞു.
നാഷണൽ ഹൗസിംഗ് ബാങ്ക്, കോമ്പറ്റീഷൻ കമ്മീഷൻ ഓഫ് ഇന്ത്യ (സിസിഐ), റിസർവ് ബാങ്ക് ഓഫ് ഇന്ത്യ (ആർ‌ബി‌ഐ) എന്നിവർ ഇതിനകം തന്നെ ഇടപാടിന് അനുമതി നൽകിയിരുന്നു.
