Zimbabwe Plane Crash | സിംബാബ്‌വെയില്‍ സ്വകാര്യ വിമാനം തകർന്നുവീണു ; ഇന്ത്യൻ വ്യവസായിയും മകനും കൊല്ലപ്പെട്ടതായി റിപ്പോർട്ട്

Harpal Randhawa And Son Killed in Plane Crash | സ്വർണവും കൽക്കരിയും നിക്കലും ചെമ്പും ശുദ്ധീകരിക്കുന്ന ഖനന കമ്പനിയായ റിയോസിമിന്‍റെ ഉടമയാണ് ഹർപാൽ രൺധാവ. റിയോസിമിന്‍റെ തന്നെ ഉടമസ്ഥതയിലുള്ള സെസ്‌ന 206 ഒറ്റ എഞ്ചിൻ വിമാനം ഹരാരെയിൽ നിന്ന് മുറോവ വജ്രഖനിയിലേക്ക് പറക്കുന്നതിനിടെയാണ് തകർന്നത്.

ജൊഹാനസ്ബർഗ് : സിംബാബ്‌വെയില്‍ സ്വകാര്യ വിമാനം തകർന്ന് മരിച്ചവരിൽ ഇന്ത്യൻ കോടീശ്വരൻ ഹർപാൽ രൺധാവയും (Harpal Randhawa) 22 വയസ്സുള്ള മകനും ഉൾപ്പെട്ടതായി റിപ്പോർട്ട്. (Zimbabwe Plane Crash- Indian Billionaire And Son Killed) തെക്കുപടിഞ്ഞാറൻ സിംബാബ്‌വെയിലെ വജ്രഖനിക്ക് സമീപമാണ് ഹർപാൽ രൺധാവയും മകന്‍ അമേർ കബീർ സിങ് രൺധാവയും (Amer Kabir Singh Randhawa) സഞ്ചരിച്ച വിമാനം തകർന്നുവീണത്. വെള്ളിയാഴ്ച നടന്ന അപകടത്തിൽ ഇവരടക്കം ആറ് പേർ കൊല്ലപ്പെട്ടതായാണ് റിപ്പോർട്ടുകൾ.

സ്വർണവും കൽക്കരിയും നിക്കലും ചെമ്പും ശുദ്ധീകരിക്കുന്ന ഖനന കമ്പനിയായ റിയോസിമിന്‍റെ (RioZim) ഉടമയാണ് ഹർപാൽ രൺധാവ. റിയോസിമിന്‍റെ തന്നെ ഉടമസ്ഥതയിലുള്ള സെസ്‌ന 206 ഒറ്റ എഞ്ചിൻ വിമാനം (Cessna 206 Aircraft), ഹരാരെയിൽ നിന്ന് കമ്പനിക്ക് പങ്കാളിത്തമുള്ള മുറോവ വജ്രഖനിയിലേക്ക് പറക്കുന്നതിനിടെയാണ് തകർന്നത്. മുറോവ വജ്ര ഖനിക്ക് സമീപം തന്നെയാണ് വിമാനം തകർന്നത്. വിമാനത്തിന് സാങ്കേതിക തകരാർ അനുഭവപ്പെടുകയും ആകാശത്തുവച്ച് പൊട്ടിത്തെറിച്ച് സ്വമഹാൻഡെ മേഖലയിലെ പീറ്റർ ഫാമിലേക്ക് പതിക്കുകയുമായിരുന്നു എന്നാണ് സിംബാബ്‌വെയിലെ മാധ്യമങ്ങള്‍ നല്‍കുന്ന വിവരം.

• The family of Harpal Randhawa who died with his son Amer on Friday in a plane crash, respectfully invite all his friends and associates to celebrate his life and that of his son Amer at a memorial service at Raintree on Wednesday the 4th of October, 2023.
  
  Arrival time is 3PM.… pic.twitter.com/cWF0kPhe7G

  — Hopewell Chin’ono (@daddyhope) October 1, 2023 " class="align-text-top noRightClick twitterSection" data="

  The family of Harpal Randhawa who died with his son Amer on Friday in a plane crash, respectfully invite all his friends and associates to celebrate his life and that of his son Amer at a memorial service at Raintree on Wednesday the 4th of October, 2023.
  
  Arrival time is 3PM.… pic.twitter.com/cWF0kPhe7G

  — Hopewell Chin’ono (@daddyhope) October 1, 2023

  ">

  The family of Harpal Randhawa who died with his son Amer on Friday in a plane crash, respectfully invite all his friends and associates to celebrate his life and that of his son Amer at a memorial service at Raintree on Wednesday the 4th of October, 2023.
  
  Arrival time is 3PM.… pic.twitter.com/cWF0kPhe7G

  — Hopewell Chin’ono (@daddyhope) October 1, 2023

കൊല്ലപ്പെട്ടവരിൽ നാല് പേർ ഇന്ത്യക്കാർ അടക്കമുള്ള വിദേശികളും മറ്റ് രണ്ടുപേർ സിംബാബ്‌വെക്കാരുമാണെന്ന് പൊലീസിനെ ഉദ്ധരിച്ച് പ്രാദേശിക മാധ്യമമായ ഹെറാൾഡ് റിപ്പോർട്ട് ചെയ്‌തു. സിംബാബ്‌വെ റിപ്പബ്ലിക് പൊലീസിന്‍റെ റിപ്പോർട്ട് പ്രകാരം സെപ്റ്റംബർ 29 ന് പ്രാദേശിക സമയം രാവിലെ 7.30 നും 8 നും ഇടയിലാണ് അപകടം നടന്നത്.

റിയോസിം കമ്പനി വിമാനാപകടം സ്ഥിരീകരിച്ചിട്ടുണ്ട്, കൂടുതൽ വിവരങ്ങൾ ശേഖരിക്കാൻ ബന്ധപ്പെട്ട അധികാരികളുമായി ചേർന്ന് പ്രവർത്തിക്കുകയാണെന്ന് കമ്പനി വ്യക്തമാക്കി. മരിച്ചവരുടെ പേരുവിവരങ്ങള്‍ കമ്പനിയോ പൊലീസോ ഇതുവരെ പുറത്തുവിട്ടിട്ടില്ല. എന്നാൽ രൺധാവയുടെ സുഹൃത്തും മാധ്യമപ്രവർത്തകനുമായ ഹോപ്‌വെൽ ചിനോനോ മരണം സ്ഥിരീകരിച്ചു.

"ഇന്ന് സ്വിഷവാനിൽ വിമാനാപകടത്തിൽ മരിച്ച റിയോസിം ഉടമ ഹർപാൽ രൺധാവയുടെ വിയോഗത്തിൽ എനിക്ക് അതിയായ ദുഃഖമുണ്ട്. പൈലറ്റും എന്നാൽ ഈ വിമാനത്തില്‍ യാത്രക്കാരനുമായിരുന്ന അദ്ദേഹത്തിന്‍റെ മകൻ ഉൾപ്പടെ മറ്റ് അഞ്ച് പേരും അപകടത്തിൽ മരിച്ചു. എന്‍റെ ചിന്തകൾ അദ്ദേഹത്തിന്‍റെ ഭാര്യ, കുടുംബം, സുഹൃത്തുക്കൾ, റിയോസിം കമ്മ്യൂണിറ്റി എന്നിവരോടൊപ്പമാണ്" - ചിനോനോ എക്‌സിൽ എഴുതി.

അതേസമയം തങ്ങൾ ഇക്കാര്യത്തിൽ പ്രസ്‌താവന പുറത്തിറക്കുമെന്ന് റിയോസിം കമ്പനി സെക്രട്ടറി പറഞ്ഞു. ഇപ്പോൾ മാധ്യമങ്ങളെ അഭിമുഖീകരിക്കാൻ കഴിയില്ല. എന്നാല്‍ തങ്ങൾ എത്രയും വേഗം പ്രസ്‌താവന പുറപ്പെടുവിക്കുമെന്നും അദ്ദേഹം പറഞ്ഞു.