കൊൽക്കത്ത : ഇന്ധനം ഉപയോഗിച്ചുള്ള വാഹനങ്ങളുടെ ഉപയോഗം കുറക്കുന്നതിന്റെ ഭാഗമായി സ്പെഷ്യൽ ഇന്റർ സിറ്റി കോറിഡോർ സംവിധാനമൊരുക്കാനൊരുങ്ങി പശ്ചിമ ബംഗാൾ സർക്കാർ. ഇലക്ട്രിക് വാഹനങ്ങൾക്ക് സഞ്ചരിക്കാനുള്ള പാതയാണ് നിർമിക്കുന്നത്. ഓരോ 25 കിലോമീറ്ററിലും ചാർജിങ് സംവിധാനമുണ്ടാകും.
READ MORE: ഇലട്രിക് കാർ നിർമിക്കാൻ പദ്ധതിയുമായി ചൈനീസ് കമ്പനി വാവെയ്
സംസ്ഥാനത്തെ മലിനീകരണം കുറയ്ക്കുന്നത് പ്രധാന പരിഗണനയിലുണ്ടെന്നും ഇതിലൂടെ മലിനീകരണത്തിന്റെ തോത് കുറയ്ക്കാമെന്നും ഗതാഗതമന്ത്രി ഫിർഹാദ് ഹക്കീം പറഞ്ഞു. ഇന്ധന വിലയിലുണ്ടാകുന്ന വർധനവിനെ പ്രതിരോധിക്കാനും ഇത് സഹായകമാകുമെന്നും അദ്ദേഹം കൂട്ടിച്ചേർത്തു. സംസ്ഥാനത്ത് 36,000 ഇ-റിക്ഷോകൾ നിലവിലുണ്ടെന്നും പുതിയ വെഹിക്കിൾ പോളിസിയിലൂടെ ഒരു ലക്ഷം ചാർജിങ് സ്റ്റേഷനുകൾ പൊതുമേഖലയിലും, സെമി പബ്ലിക്ക് മേഖലയിലുമായി നിർമിക്കാനാണ് സർക്കാർ ലക്ഷ്യമിടുന്നതെന്നും അദ്ദേഹം കൂട്ടിച്ചേര്ത്തു.