അമരാവതി: രാജ്യത്ത് ഏറ്റവും വലിയ സിനിമ സ്ക്രീനുള്ള ആന്ധ്രാപ്രദേശിലെ വി-എപിക് മൾട്ടിപ്ലക്സ് അടച്ചുപൂട്ടി. സംസ്ഥാനത്തെ സിനിമ ടിക്കറ്റ് നിരക്ക് കുറയ്ക്കാനുള്ള സര്ക്കാര് തീരുമാനത്തിന് പിന്നാലെയാണ് ശനിയാഴ്ച തിയേറ്റര് അടച്ചത്.
നെല്ലൂരിലെ സുല്ലൂർപേട്ടയ്ക്ക് സമീപമാണ് വി-എപിക് മൾട്ടിപ്ലക്സ് സ്ഥിതി ചെയ്യുന്നത്. കുറഞ്ഞ ടിക്കറ്റ് നിരക്കിൽ നഷ്ടം സംഭവിച്ചുവെന്നാരോപിച്ച് മൾട്ടിപ്ലക്സിലെ മറ്റ് രണ്ട് സിനിമ ഹാളുകളും ഇതിനകം അടച്ചുപൂട്ടിയിരുന്നു.
100 അടി നീളവും 56 അടി വീതിയുമുള്ള സ്ക്രീനാണ് മൾട്ടിപ്ലക്സിന് ഉണ്ടായിരുന്നത്. 2019 ഓഗസ്റ്റ് 30ന് ചലച്ചിത്രതാരം രാം ചരണാണ് മൾട്ടിപ്ലക്സ് ഉദ്ഘാടനം ചെയ്തത്. അത്യാധുനിക സാങ്കേതികവിദ്യ ഉപയോഗിച്ച് നിർമ്മിച്ച 646 സീറ്റുകളാണ് തിയേറ്ററിലുണ്ടായിരുന്നത്.
സര്ക്കാറിന്റെ പുതിയ തീരുമാനത്തിന് പിന്നാലെ ഇതടക്കം നിരവധി സിനിമ തിയേറ്ററുകൾ കഴിഞ്ഞ രണ്ട് ദിവസങ്ങളിലായി സംസ്ഥാനത്ത് അടച്ചുപൂട്ടിയിട്ടുണ്ട്.