ലഖ്‌നോ: ഉന്നാവ്‌ ബലാത്സംഗ ഇരയുടെ അമ്മ ഉത്തര്‍ പ്രദേശ്‌ നിയമസഭ തെരഞ്ഞെടുപ്പില്‍ കോണ്‍ഗ്രസ്‌ സ്ഥാനാര്‍ഥിയാവും. കോണ്‍ഗ്രസ്‌ ഇന്ന്‌ പ്രസിദ്ധീകരിച്ച 125 പേരുടെ സ്ഥാനാര്‍ഥി പട്ടികയിലാണ്‌ ഇവര്‍ ഇടം പിടിച്ചത്‌.
ഷാജഹാന്‍പൂര്‍ മണ്ഡലത്തില്‍ നിന്നാണ്‌ ഉന്നാവ്‌ ബലാത്സംഗ ഇരയുടെ അമ്മ മത്സരിക്കുകയെന്ന്‌ കോണ്‍ഗ്രസ്‌ ജനറല്‍ സെക്രട്ടറി പ്രിയങ്ക ഗാന്ധി ട്വീറ്റുചെയ്‌തു. 125 പേരുടെ സ്ഥാനാര്‍ഥി പട്ടികയില്‍ 50 പേര്‍ സ്ത്രീകളാണെന്നും പ്രിയങ്ക ഗാന്ധി പറഞ്ഞു.
സ്ഥാനാര്‍ഥി പട്ടികയില്‍ 40 ശതമാനം സ്ത്രീകളാണ്‌. 40 ശതമാനം യുവാക്കളും. തങ്ങള്‍ യുപിയില്‍ പുതിയൊരു രാഷ്ട്രീയം കൊണ്ടുവരാനാണ്‌ ആഗ്രഹിക്കുന്നതെന്നും പ്രയിങ്ക ഗാന്ധി ട്വീറ്റില്‍ വ്യക്തമാക്കി. ഉത്തര്‍പ്രദേശിന്‍റെ മികച്ച ഭാവി ലക്ഷ്യമിട്ട്‌ ക്രിയാത്‌മക തെരഞ്ഞെടുപ്പ്‌ പ്രചാരണമായിരിക്കും കോണ്‍ഗ്രസ്‌ നടത്തുകയെന്നും പ്രിയങ്ക പറഞ്ഞു.
ALSO READ: യുപിയില്‍ ബിജെപിക്ക് വീണ്ടും പ്രഹരം ; എംഎൽഎ മുകേഷ് വർമ പാർട്ടി വിട്ടു
