മുംബൈ : മഹാരാഷ്‌ട്ര മുഖ്യമന്ത്രി ഉദ്ധവ് താക്കറെയ്ക്ക് കൊവിഡ് സ്ഥിരീകരിച്ചു. മുഖ്യമന്ത്രിയുടെ ഓഫിസാണ് ഇതുസംബന്ധിച്ച വിവരം പുറത്തുവിട്ടത്. വൈറസ് ബാധിച്ച സാഹചര്യത്തില്‍ വീഡിയോ കോണ്‍ഫറന്‍സ് വഴിയാണ് താക്കറെ പ്രതിവാര മന്ത്രിസഭായോഗത്തിൽ പങ്കെടുത്തത്.
അതേസമയം, മഹാരാഷ്‌ട്ര സര്‍ക്കാര്‍ രാഷ്‌ട്രീയ പ്രതിസന്ധി നേരിടുന്ന സാഹചര്യമാണുള്ളത്. ശിവസേന നേതാവ് ഏക്‌നാഥ് ഷിന്‍ഡെയുടെ നേതൃത്വത്തില്‍ 21 എം.എല്‍.എമാര്‍ വിമതനീക്കം നടത്തിയതാണ് കാരണം.ഈ സാഹചര്യത്തില്‍ ഉദ്ധവ്, സര്‍ക്കാര്‍ പിരിച്ചുവിടുമെന്നുള്ള സൂചന നല്‍കി ശിവസേന നേതാവ് സഞ്ജയ് റാവത്ത് രംഗത്തെത്തിയിട്ടുണ്ട്.
ALSO READ| ഉദ്ധവ് സ‍ർക്കാ‍ർ പിരിച്ചുവിട്ടേക്കും: നിര്‍ണായക മന്ത്രിസഭ യോഗം തുടങ്ങി
'മുഖ്യമന്ത്രിയെ കാണണം എന്നുണ്ടായിരുന്നു. എന്നാൽ, കൊവിഡ് ബാധിതനായ സാഹചര്യത്തില്‍ ഇപ്പോൾ അത് നടക്കില്ല'. മുതിർന്ന കോൺഗ്രസ് നേതാവ് കമൽനാഥ് മുംബൈയില്‍ മാധ്യമങ്ങളോട് പറഞ്ഞു. മഹാരാഷ്‌ട്ര ഗവർണർ ഭഗത് സിങ് കോഷ്യാരിക്കും കൊവിഡ് സ്ഥിരീകരിച്ചു. അദ്ദേഹം തെക്കൻ മുംബൈയിലെ ഒരു സ്വകാര്യ ആശുപത്രിയിൽ ചികിത്സയിലാണ്.
