മഥുര (ഉത്തർപ്രദേശ്): ബാങ്ക് ഉദ്യോഗസ്ഥരുടെ കണ്ണുവെട്ടിച്ച് മഥുരയിലെ ജില്ല സഹകരണ സംഘത്തിന്‍റെ കാഷ് കൗണ്ടറിൽ നിന്ന് പകൽകൊള്ള. ബാങ്ക് ഉദ്യോഗസ്ഥർ ഇടപാടുകാരുമായി തിരക്കായിരിക്കെ 10 ലക്ഷം രൂപയാണ് കാഷ് കൗണ്ടറിൽ നിന്ന് കവർന്നത്. ജെയ്‌ന്‍റ് പൊലീസ് സ്റ്റേഷൻ പരിധിയിലെ ചൗമുഖൻ ടൗണിൽ വ്യാഴാഴ്‌ചയാണ് സംഭവം.
ഉച്ചയ്ക്ക് 2.40ന് കാഷ്യർ ശുചിമുറിയിൽ പോയ സമയത്തായിരുന്നു മോഷണം നടന്നത്. പണം കിടക്കുന്നത് കണ്ട മോഷ്‌ടാവ് കാഷ് കൗണ്ടറിന് സമീപമെത്തി അഞ്ച് ലക്ഷം രൂപ വീതമുള്ള രണ്ട് കെട്ട് നോട്ടുകൾ കൈക്കലാക്കുകയായിരുന്നു. മോഷണത്തിന്‍റെ ദൃശ്യങ്ങൾ സിസിടിവി കാമറയിൽ പതിഞ്ഞിട്ടുണ്ട്. സംഭവത്തിൽ എഫ്ഐആർ രജിസ്റ്റർ ചെയ്‌തെന്നും ഉന്നത ബാങ്ക് ഉദ്യോഗസ്ഥരെ വിവരമറിയിച്ചുവെന്നും ബാങ്ക് മാനേജർ വരുൺ കത്യാർ പറഞ്ഞു.
