ബാഗ്‌ഡോഗ്ര (പശ്ചിമബംഗാൾ): സിക്കിമിൽ ട്രക്ക് അപകടത്തിൽ മരിച്ച 16 സൈനികർക്ക് ഇന്ന് അന്തിമോപചാരം അർപ്പിക്കും. ശനിയാഴ്‌ച ഉച്ചയ്ക്ക് 12.30നും രണ്ടിനും ഇടയിൽ ബാഗ്‌ഡോഗ്ര എയർപോർട്ട് ടെക്‌നിക്കൽ ഏരിയയിൽ വച്ചായിരിക്കും അന്തിമോപചാരം അർപ്പിക്കുക.
വടക്കൻ സിക്കിമിൽ ഇന്നലെയാണ് അപകടം നടന്നത്. ചാറ്റേണിൽ നിന്ന് താങ്കുവിലേക്ക് പോയ സൈനിക വ്യൂഹമാണ് അപകടത്തിൽപ്പെട്ടത്. മൂന്ന് ജൂനിയർ കമ്മിഷൻഡ് ഓഫിസർമാരും 13 സൈനികരുമാണ് അപകടത്തിൽ കൊല്ലപ്പെട്ടത്. നാല് പേർക്ക് പരിക്കേറ്റു.
മരിച്ചവരിൽ മലയാളി സൈനികനും ഉൾപ്പെടുന്നു. പാലക്കാട് മാത്തൂർ ചെങ്ങണിയൂർക്കാവ് സ്വദേശി വൈശാഖാണ് മരിച്ചത്. മൂന്ന് വാഹനങ്ങളടങ്ങുന്ന സൈനിക വ്യൂഹമാണ് താങ്കുവിലേക്ക് തിരിച്ചത്. സെമിയിലെ കൊടും വളവ് തിരിയുന്നതിനിടെ ഇതിലൊരു സൈനിക വാഹനം കൊക്കയിലേക്ക് മറിയുകയായിരുന്നു.
Also read: സിക്കിമിലെ വാഹനാപകടം : കൊല്ലപ്പെട്ടവരില്‍ മലയാളി സൈനികനും
