നാഗോൺ: അസമിന്റെ മാറ്റം എണ്ണിപ്പറഞ്ഞ് അമിത്ഷാ. അസമിലെ നാഗാവിൽ ഒരു റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം . പ്രക്ഷോഭങ്ങൾക്കും ആയുധങ്ങൾക്കും അക്രമങ്ങള്ക്കുമായിരുന്നു സംസ്ഥാനം മുന്പ് അറിയപ്പെട്ടിരുന്നതെങ്കില് ഇപ്പോൾ പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ വികസനം, വ്യാവസായിക നിക്ഷേപം, വിദ്യാഭ്യാസം, ടൂറിസം എന്നിവയ്ക്ക് അസം പേരുകേട്ടതായും അദ്ദേഹം പറഞ്ഞു.
പ്രധാനമന്ത്രിയിലൂടെ ആരംഭിച്ച വികസനം മുഖ്യമന്ത്രി സർബാനന്ദ സോനോവാളും ആരോഗ്യമന്ത്രി ഹിമന്ത ബിശ്വ ശർമ്മയും ചേര്ന്നാണ് മുന്നോട്ട് കൊണ്ടുപോയതെന്നും അദ്ദേഹം പറഞ്ഞു. മറ്റ് സംസ്ഥാനങ്ങൾക്കൊപ്പം രാജ്യത്തെ ജിഡിപി വളര്ച്ചയില് ഒരു നാഴികക്കല്ലായി അസം മാറുന്നത് വരെ ഈ രീതിയിലുള്ള വികസനമുന്നേറ്റം തുടരുമെന്നും കേന്ദ്ര ആഭ്യന്തരമന്ത്രി അമിത് ഷാ പറഞ്ഞു. അതേസമയം കോൺഗ്രസിനെ വിജയിപ്പിക്കാൻ ബിജെപിയുടെ വോട്ട് വിഹിതം കുറയ്ക്കാനായി ചിലര് ശ്രമിക്കുന്നത് ഖേദകരമാണെന്നും അദ്ദേഹം പറഞ്ഞു.