ഭുവനേശ്വര്‍ : ഒഡിഷയിലെ സുന്ദർഗഡ് ജില്ലയിൽ അമ്മ മകളെ അരകല്ലുകൊണ്ട് ഇടിച്ച് കൊലപ്പെടുത്തി. സംഭവത്തിന് ശേഷം അവര്‍ ആത്മഹത്യക്ക് ശ്രമിച്ചു. കലമേഘ് ജില്ലയിൽ ഞായറാഴ്ച രാത്രിയോടെയായിരുന്നു സംഭവം.
രാത്രി വൈകിയുള്ള മകളുടെ ഫോണ്‍ സംഭാഷണം അമ്മ ചോദ്യം ചെയ്തതോടെയാണ് സംഭവങ്ങളുടെ തുടക്കം. തർക്കം രൂക്ഷമായതോടെ യുവതി അരകല്ലുകൊണ്ട് മകളെ അടിച്ചു കൊലപ്പെടുത്തുകയായിരുന്നു. സംഭവത്തിന് ശേഷം ശരീരം പുതപ്പ്കൊണ്ട് മൂടുകയും മകളെ ആരോ കൊലപ്പെടുത്തിയെന്ന് ഗ്രാമവാസികളെ അറിയിക്കുകയും ചെയ്തു.
ALSO READ ആധാറും തിരിച്ചറിയല്‍ കാര്‍ഡും ബന്ധിപ്പിക്കും ; ബില്‍ ലോക്‌സഭയില്‍ പാസായി
തുടർന്നാണ് കീടനാശിനി കഴിച്ച് യുവതി ആത്മഹത്യക്ക് ശ്രമിച്ചത്. ആശുപത്രിയിൽ പ്രവേശിപ്പിക്കപ്പെട്ട അമ്മയുടെ നില തൃപ്തികരമാണെന്നും കൂടുതൽ അന്വേഷണം നടന്നുവരികയാണെന്നും പൊലീസ് അറിയിച്ചു.
