ന്യൂഡൽഹി: കൊവിഡ്‌ വ്യാപനത്തിന്‍റെ പശ്ചാത്തലത്തിൽ രാജ്യത്തെ വനിതകൾക്കായി നാഷണൽ കമ്മിഷൻ ഫോർ വുമൺ (എൻസിഡബ്ല്യൂ) പുതിയ വാട്സ്ആപ്പ് ഹെൽപ്പ്‌ ലൈൻ നമ്പർ രൂപീകരിച്ചു. മെഡിക്കൽ ആവശ്യങ്ങൾക്കായി സ്‌ത്രീകൾക്ക്‌ 9354954224 ഈ പുതിയ നമ്പറിൽ ബന്ധപ്പെടാം. നമ്പറിനെക്കൂടാതെ helpatncw@gmail.com എന്ന മെയിൽ ഐഡിയും രൂപീകരിച്ചിട്ടുണ്ട്‌.
പ്രധാനമായും ഗർഭിണികൾക്ക്‌ പ്രാധാന്യം നൽകുന്നതിനായാണ്‌ സംഘടനയുടെ ശ്രമം. കൊവിഡ്‌ ബാധിക്കുകയോ മറ്റ്‌ മെഡിക്കൽ സൗകര്യങ്ങൾ ഉറപ്പുവരുത്താനോ രാജ്യത്തെ വനിതകൾക്ക്‌ ഈ നമ്പറുമായി ബന്ധപ്പെടാമെന്ന്‌ എൻസിഡബ്ല്യൂ മേധാവി രേഖാ ശർമ പറഞ്ഞു.
