അനന്ത്നാഗിൽ ഏറ്റുമുട്ടല്‍ ; ഒരു തീവ്രവാദി കൊല്ലപ്പെട്ടു

കൂടുതൽ തീവ്രവാദികള്‍ പ്രദേശത്ത് ഒളിച്ചിരിക്കുന്നതായാണ് റിപ്പോർട്ടുകള്‍.

ശ്രീനഗർ: ജമ്മു കശ്‌മീരിലെ അനന്ത്നാഗിൽ സുരക്ഷ സേനയുമായുള്ള ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു. ഇയാളുടെ ഐഡന്‍റിറ്റിയും ഗ്രൂപ്പ് ബന്ധവും ഇതുവരെ അറിവായിട്ടില്ല. ജില്ലയിലെ മോമിൻഹാൽ ഗ്രാമത്തിൽ സൈന്യം രാവിലെ തെരച്ചിൽ നടത്തുന്നതിനിടെയാണ് തീവ്രവാദികൾ വെടിയുതിർത്തത്.

തുടർന്ന് സൈന്യം തിരിച്ചടിച്ചു. പ്രദേശത്ത് സുരക്ഷസേന തെരച്ചിൽ തുടരുകയാണ്. കൂടുതൽ തീവ്രവാദികള്‍ ഒളിച്ചിരിക്കുന്നതായാണ് റിപ്പോർട്ടുകള്‍.