ന്യൂഡൽഹി: തമിഴ്‌നാട് മുഖ്യമന്ത്രി എം കെ സ്റ്റാലിൻ പ്രധാനമന്ത്രി നരേന്ദ്ര മോദിയുമായി കൂടിക്കാഴ്‌ച നടത്തും. കൂടിക്കാഴ്‌ചക്കായി എം.കെ സ്റ്റാലിൻ ഡൽഹിയിലെത്തി. സംസ്ഥാനത്തിനായി കൂടുതൽ കൊവിഡ് വാക്‌സിൻ എം കെ സ്റ്റാലിൻ ആവശ്യപ്പെടും.
തമിഴ്‌നാട് മുഖ്യമന്ത്രി പ്രധാനമന്ത്രിയുമായി കൂടിക്കാഴ്‌ച നടത്തുമെന്ന് ജൂൺ 13ന് ആരോഗ്യമന്ത്രി മാ സുബ്രഹ്മണ്യൻ അറിയിച്ചിരുന്നു. തമിഴ്‌നാടിനായി കൂടുതൽ കൊവിഡ് വാക്‌സിൻ ആവശ്യപ്പെടുമെന്നും ആരോഗ്യമന്ത്രി വ്യക്തമാക്കിയിരുന്നു.
വരും ദിവസങ്ങളിൽ സംസ്ഥാനത്തെ കൊവിഡ് മരണസംഖ്യ കുറയാനാണ് സാധ്യത. വാക്‌സിനേഷനിലൂടെ മാത്രമേ കൊവിഡിൽ നിന്ന് മുക്തി നേടാൻ കഴിയൂവെന്നും അദ്ദേഹം കൂട്ടിച്ചേർത്തു. ആരോഗ്യമന്ത്രി മാ. സുബ്രഹ്മണ്യൻ, ആരോഗ്യ സെക്രട്ടറി ജെ രാധാകൃഷ്‌ണൻ, ചെന്നൈ കോർപറേഷൻ കമ്മിഷണർ ജഗൻദീപ് സിങ് ബേദി എന്നിവർ സ്ഥിതിഗതികൾ വിലയിരുത്തിയിരുന്നു.
READ MORE: മൂന്നാം തരംഗത്തെ നേരിടാൻ തമിഴ്‌നാട് സജ്ജം
