മുംബൈ: മഹാരാഷ്‌ട്രയിൽ 15 വയസുള്ള പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗം ചെയ്‌തു. സംഭവത്തിൽ ആറു പേരെ പൊലീസ് കസ്‌റ്റഡിയിൽ എടുത്തു. പൂനെ സ്വദേശിയായ പെൺകുട്ടിയുടെ മാതാവ് നൽകിയ പരാതിയിൽ ചതുരംഗി പൊലീസ് പ്രതികൾക്കെതിരെ കേസെടുത്തു.
2022 ജൂലൈ മുതൽ ഡിസംബർ 23 വരെയാണ് ഈ സംഭവം നടന്നത്. പ്രായപൂർത്തിയാകാത്തയാളാണ് പെൺകുട്ടി എന്നറിഞ്ഞിട്ടും പ്രതികളിലൊരാൾ കത്തി കാണിച്ച് ഭീഷണിപ്പെടുത്തി ലൈംഗികബന്ധത്തിന് നിർബന്ധിക്കുകയായിരുന്നുവെന്ന് പൊലീസ് പറയുന്നു. അതിന് ശേഷം മറ്റ് പ്രതികൾ പെൺകുട്ടിയെ ലൈംഗികമായി പീഡിപ്പിക്കുകയും ഫോട്ടോ എടുത്ത് വൈറലാക്കുമെന്ന് ഭീഷണിപ്പെടുത്തുകയും ചെയ്‌തു.
ശേഷം പെൺകുട്ടി വിവരം വീട്ടിൽ പറഞ്ഞതിനെ തുടർന്ന് വീട്ടുകാർ പൊലീസിൽ പരാതി നൽകുകയായിരുന്നു.
