ന്യൂഡൽഹി : 24 മണിക്കൂറിനുള്ളിൽ ഇന്ത്യയിൽ 11,903 പുതിയ കോവിഡ് -19 കേസുകൾ റിപ്പോർട്ട് ചെയ്‌തതായി കേന്ദ്ര ആരോഗ്യ മന്ത്രാലയം. ഇന്ത്യയിലെ സജീവ കേസുകളുടെ എണ്ണം 1,51,209 ആണ്. 252 ദിവസങ്ങളിലെ ഏറ്റവും താഴ്ന്ന നിരക്കാണിത്.
24 മണിക്കൂറിനുള്ളിൽ 311 മരണങ്ങളാണ്‌ റിപ്പോര്‍ട്ട്‌ ചെയ്‌തത്‌. ഇതോടെ ആകെ മരണം 4,59,191 ആയി. പ്രതിദിന പോസിറ്റിവിറ്റി നിരക്ക് 1.11 ശതമാനമാണ്.
24 മണിക്കൂറിനുള്ളിൽ 14,159 പേര്‍ രോഗമുക്തി നേടിയതോടെ ഭേദമായവരുടെ ആകെ എണ്ണം 3,36,97,740 ആയി. ഇതോടെ രോഗമുക്തി നിരക്ക് നിലവിൽ 98.22 ശതമാനമാണ്. ഇത് 2020 മാർച്ചിന് ശേഷമുള്ള ഏറ്റവും ഉയർന്ന നിരക്കുമാണ്.
ALSO READ: ആശുപത്രിയിലെത്തിക്കാതെ 'ജപിച്ച് ഊതല്‍' ; ഫാത്തിമയുടെ മരണത്തില്‍ അറസ്‌റ്റിനൊരുങ്ങി പൊലീസ്‌
മന്ത്രാലയത്തിന്‍റെ കണക്കനുസരിച്ച് ഇതുവരെ 61.12 കോടി കോവിഡ് -19 ടെസ്‌റ്റുകൾ നടത്തി. ഇപ്പോൾ നടക്കുന്ന കോവിഡ്-19 വാക്‌സിനേഷൻ ഡ്രൈവിൽ 107.29 കോടി കുത്തിവയ്‌പ്പുകള്‍ നൽകി. ഇന്ത്യയിലെ സജീവ കേസുകളുടെ എണ്ണം 1,51,209 ആണ്.
ഇത് 252 ദിവസങ്ങളിലെ ഏറ്റവും താഴ്ന്ന നിരക്കാണ്. സജീവ കേസുകൾ മൊത്തം കേസുകളുടെ ഒരു ശതമാനത്തിൽ താഴെയാണ്. ഇത് 2020 മാർച്ചിന് ശേഷമുള്ള ഏറ്റവും താഴ്ന്ന നിരക്കാണ്.
