ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറില്‍ 2528 പേര്‍ക്ക് കൂടി കൊവിഡ്-19 സ്ഥിരീകരിച്ചു. 3997 പേരാണ് രോഗമുക്തി നേടിയത്. 149 മരണങ്ങള്‍ കൂടി രേഖപ്പെടുത്തിയതോടെ രാജ്യത്തെ ആകെ മരണസംഖ്യ 5,16,281 ആയി ഉയര്‍ന്നു.
- " class="align-text-top noRightClick twitterSection" data="">
ആരോഗ്യ മന്ത്രാലയം പുറത്തിറക്കിയ കണക്കനുസരിച്ച് 29,181 സജീവകേസുകളാണ് നിലവില്‍ രാജ്യത്തുള്ളത്. രാജ്യത്ത് കൊവിഡ്-19 വാക്സിനേഷൻ സ്വീകരിച്ചവരുടെ എണ്ണം 180.97 കോടി (1,80,97,94,588) കവിഞ്ഞതായി ആരോഗ്യമന്ത്രാലയം അറിയിച്ചു. ഇതുവരെ, 12-14 വയസ്സിനിടയിലുള്ള 9 ലക്ഷത്തിലധികം (9,04,700) കുട്ടികളും കൊവിഡ് വാക്സിന്‍ സ്വീകരിച്ചിട്ടുണ്ട്.
മാർച്ച് 16-നാണ് ഈ പ്രായക്കാർക്കുള്ള വാക്സിനേഷൻ ഡ്രൈവ് രാജ്യത്ത് ആരംഭിച്ചത്. ഈ വിഭാഗത്തിലെ കുട്ടികൾക്ക് കോർബെവാക്‌സ് വാക്‌സിനാണ് നൽകുന്നത്. 15-18 വയസ് പ്രായമായവരില്‍ ഇതുവരെ 5,61,52,073 പേര്‍ ആദ്യ ഡോസും 3,52,82,337 പേര്‍ രണ്ടാം ഡോസ് വാക്‌സിനും സ്വീകരിച്ചിട്ടുണ്ട്.
Also read: Kerala Covid Updates: സംസ്ഥാനത്ത് 922 പേര്‍ക്ക് കൊവിഡ്; 1329 പേർക്ക് രോഗമുക്തി
