ട്രാൻസ്ജെൻഡർ സമൂഹത്തിനായി ദേശീയ ഹെൽപ്പ് ലൈൻ ആരംഭിക്കാൻ പദ്ധതി

ഫോണുകളിലൂടെ കൗൺസിലിംഗ് നൽകുന്നതിനപ്പുറം നഗരങ്ങളിലുടനീളം ഹെൽപ്പ് ലൈൻ പ്രവർത്തിപ്പിക്കുന്നതിന് സന്നദ്ധ സംഘടനകളുമായും പ്രവർത്തകരുമായും ചർച്ച നടത്തും

ന്യൂഡൽഹി: ട്രാൻസ്‌ജെൻഡർ സമൂഹത്തിന് നിയമപരവും ആരോഗ്യവും മനശാസ്ത്രപരവുമായ പിന്തുണ നൽകുന്നതിനായി ദേശീയ ഹെൽപ്പ് ലൈൻ ആരംഭിക്കാൻ കേന്ദ്രം പദ്ധതിയിടുന്നതായി അധികൃതർ അറിയിച്ചു. ഫോണുകളിലൂടെ കൗൺസിലിംഗ് നൽകുന്നതിനപ്പുറം നഗരങ്ങളിലുടനീളം ഹെൽപ്പ് ലൈൻ പ്രവർത്തിപ്പിക്കുന്നതിന് സന്നദ്ധ സംഘടനകളുമായും പ്രവർത്തകരുമായും ചർച്ച നടത്തും. ഇതിനായി വിദഗ്ധരെ എംപാനൽ ചെയ്ത് ട്രാൻസ്ജെൻഡർ സമൂഹത്തിന് സാമൂഹിക നീതിയും ശാക്തീകരണവും ഉറപ്പാക്കുമെന്നും അധികൃതർ അറിയിച്ചു.