തെലങ്കാനയിൽ വീടിന്‍റെ ഭിത്തി ഇടിഞ്ഞുവീണ് അഞ്ച് മരണം

മൂന്ന് കുട്ടികളുൾപ്പടെ അഞ്ച് പേർ മരിച്ചു ; രണ്ടുപേർ പരിക്കുകളോടെ രക്ഷപ്പെട്ടു

ജോഗുലംബ ഗദ്വാൾ : വീടിന്‍റെ ഭിത്തി ഇടിഞ്ഞുവീണ് ഒരു കുടുംബത്തിലെ അഞ്ച് പേർ മരിച്ചു. തെലങ്കാനയിലെ ജോഗുലംബ ഗദ്വാൾ ജില്ലയിലെ കോതപ്പള്ളിയിലാണ് മൂന്ന് കുട്ടികളുൾപ്പടെ അഞ്ച് പേർ മരിച്ചത്. സംഭവത്തിൽ മറ്റ് രണ്ടുപേർ പരിക്കുകളോടെ രക്ഷപ്പെട്ടു.

ശനിയാഴ്‌ച രാത്രി കുടുംബം ഉറങ്ങിക്കിടക്കുമ്പോഴായിരുന്നു സംഭവം. രാത്രി പെയ്‌ത ശക്തമായ മഴയിലാണ് ഭിത്തി തകർന്നുവീണതെന്ന് പ്രദേശവാസികൾ പറഞ്ഞു.

സംഭവത്തിൽ പൊലീസും റവന്യൂ ഉദ്യോഗസ്ഥരും സ്ഥലത്തെത്തി വിവരങ്ങൾ അന്വേഷിച്ചുവരികയാണ്.