ന്യൂഡൽഹി: അതിശൈത്യവും കനത്ത മൂടൽമഞ്ഞും മൂലം വിറങ്ങലിച്ച് രാജ്യതലസ്ഥാനം. മൂടൽമഞ്ഞ് കാരണം ഡൽഹി വിമാനത്താവളം വഴിയുള്ള വ്യോമഗതാഗതം മന്ദഗതിയിലായി. മഞ്ഞിന് ശമനമില്ലാത്തതിനാൽ യാത്രക്കാർക്കായി വിമാനത്താവളം മാർഗനിർദേശങ്ങൾ പുറപ്പെടുവിച്ചു. മഞ്ഞ് തുടരുന്നതിനാൽ യാത്ര ചെയ്യും മുന്‍പ് എയർലൈനുകളുമായി ബന്ധപ്പെടണമെന്നാണ് യാത്രക്കാർക്ക് ലഭിച്ച നിർദ്ദേശം (Dense Fog in Delhi Airport).
-
Kind attention to all flyers!#Fog #FogAlert #DelhiAirport pic.twitter.com/AzfbWo89wJ
— Delhi Airport (@DelhiAirport) January 15, 2024 " class="align-text-top noRightClick twitterSection" data="
">Kind attention to all flyers!#Fog #FogAlert #DelhiAirport pic.twitter.com/AzfbWo89wJ
— Delhi Airport (@DelhiAirport) January 15, 2024Kind attention to all flyers!#Fog #FogAlert #DelhiAirport pic.twitter.com/AzfbWo89wJ
— Delhi Airport (@DelhiAirport) January 15, 2024
'കനത്ത മൂടൽമഞ്ഞ് ഡൽഹി വിമാനത്താവളത്തിലെ വിമാന സർവീസുകളെ ബാധിച്ചേക്കും. പുതുക്കിയ ഫ്ലൈറ്റ് വിവരങ്ങൾക്കായി ബന്ധപ്പെട്ട എയർലൈനുമായി ബന്ധപ്പെടാൻ യാത്രക്കാരോട് അഭ്യർത്ഥിക്കുന്നു. സൗകര്യത്തിൽ ഖേദിക്കുന്നു." എയർപോർട്ട് അതോറിറ്റി എക്‌സ് പേജിലൂടെ അറിയിച്ചു (Delhi Flight Restrictions).
ഇന്നലെയും (ഞായർ) മൂടൽമഞ്ഞ് വ്യോമ ഗതാഗതത്തെ സാരമായി ബാധിച്ചിരുന്നു. വിമാനത്താവളത്തിൽ ഇന്നലെ രാവിലെ ദൃശ്യപരത പൂജ്യമായിരുന്നു എന്നാണ് റിപ്പോർട്ട്. ദൃശ്യപരത ഇല്ലായ്‌മ നിരവധി വിമാന സർവീസുകളെ പ്രതികൂലമായി ബാധിച്ചു. രാജ്യത്ത് ഏറ്റവുമധികം സർവീസുള്ള വിമാന കമ്പനികളിലൊന്നായ ഇൻഡിഗോ എയർലൈൻസിന്‍റെ പ്രവർത്തനങ്ങൾ ഇന്നലെ മുതൽ താളം തെറ്റിയ നിലയിലാണ്. മുംബൈയില്‍ നിന്ന് ഗുവാഹത്തിയിലേക്ക് പോയ ഇന്‍ഡിഗോ വിമാനം കനത്ത മൂടല്‍മഞ്ഞിനെ തുടര്‍ന്ന് ധാക്ക വിമാനത്താവളത്തിലിറക്കി. ഗുവാഹത്തിയില്‍ നിന്ന് 400 കിലോമീറ്ററിലേറെ ദൈര്‍ഘ്യമുണ്ട് ബംഗ്ലാദേശ് തലസ്ഥാനമായ ധാക്കയിലേക്ക് (Indigo Flight Inconvenience).
പിന്നാലെ കുറഞ്ഞ ദൃശ്യപരതയും ഇടതൂർന്ന മൂടൽമഞ്ഞും ഇൻഡിഗോയുടെപ്രവർത്തനങ്ങളെ ബാധിച്ചതായി കമ്പനി പ്രസ്‌താവന പുറത്തിറക്കി. യാത്രക്കാർക്ക് സൗകര്യമൊരുക്കാൻ സാധ്യമായ എല്ലാ ശ്രമങ്ങളും നടത്തിയെന്നും, അസൗകര്യത്തിൽ ഖേദിക്കുന്നതായും ഇൻഡിഗോ പ്രസ്‌താവനയിൽ പറഞ്ഞു.
വായു മലിനീകരണം കൂടി: തലസ്ഥാന നഗരിയിൽ തണുപ്പ് കൂടിയതിനൊപ്പം വായു മലിനീകരണവും രൂക്ഷമായി. കേന്ദ്ര മലിനീകരണ നിയന്ത്രണ ബോർഡിന്‍റെ കണക്കനുസരിച്ച് ഇന്നലെ എയർ ക്വാളിറ്റി ഇൻഡക്‌സ് (എക്യുഐ)അപകടകരമായ നിലയിലേക്ക് താഴ്ന്നു. അതിനാൽ മേഖലയിൽ പുതുക്കിയ ഗ്രേഡഡ് റെസ്‌പോൺസ് ആക്ഷൻ പ്ലാന്‍ സ്റ്റേജ് III പ്രകാരമുള്ള നിയന്ത്രണങ്ങൾ പ്രാബല്യത്തിൽ വരുത്താൻ തീരുമാനിച്ചു (Air Pollution in Delhi).
വായു മലിനീകരണം കൂടിയതോടെ ഡൽഹി ഗതാഗത വകുപ്പ് ഭാരത്-3 പെട്രോൾ, ഭാരത് -4 ഡീസൽ വാഹനങ്ങൾ നിരത്തിലിറക്കുന്നതിന് നിരോധനം ഏർപ്പെടുത്തി. ഇനിയൊരു ഉത്തരവ് ഉണ്ടാകുന്നത് വരെ നിരോധനം തുടരും. നിരോധനം നിലവിൽ വന്നതോടെ ഗാസിപൂർ, അപ്‌സര അതിർത്തികളിൽ വാഹന പരിശോധന ശക്തമാക്കി.
Also Read: കോട മഞ്ഞിൽ മുങ്ങി ഇടുക്കി എന്ന മിടുക്കി; വിസ്‌മയക്കാഴ്‌ചകളൊരുക്കി കാന്തലൂർ
സ്‌കൂളുകൾ തുറക്കും: അതിശൈത്യത്തിനിടെ ഡൽഹിയിലെ സ്‌കൂളുകൾ ഇന്ന് തുറക്കും. നഴ്‌സറി, കെജി, പ്രൈമറി ക്ലാസുകൾ ഉൾപ്പെടെ എല്ലാ ക്ലാസുകളും ഇന്ന് പുനരാരംഭിക്കും. ഇതിന് ഡൽഹിയിലെ എല്ലാ സ്‌കൂളുകൾക്കും വിദ്യാഭ്യാസ വകുപ്പ് നിർദ്ദേശം നൽകി.
