ദർഭംഗ : ബിഹാറിൽ ബോട്ടപകടത്തിൽ (Darbhanga Boat Accident) മൂന്ന് കുട്ടികളടക്കം അഞ്ച് പേർ മരിച്ചു. ദർഭംഗയിലെ കമല നദിയിലാണ് (Kamla River) അപകടം നടന്നത്. കുശേശ്വരസ്ഥാൻ ഈസ്റ്റ് ബ്ലോക്കിലെ ഝജ്‌റയ്‌ക്കും ഗദെഹ്‌പുരയ്‌ക്കും ഇടയിലുള്ള ഷാപൂർ ചൗറിലാൽ വച്ച് ബോട്ട് മറിയുകയായിരുന്നു (boat capsized).
അപകടത്തിൽ അഞ്ച് പേരുടെ മരണം കുശേശ്വരസ്ഥാനിലെ ബിഡിഒ കിഷോർ കുമാർ സ്ഥിരീകരിച്ചു. ബോട്ടിലുണ്ടായിരുന്ന മൂന്ന് കുട്ടികളും രണ്ട് സ്‌ത്രീകളുമാണ് അപകടത്തിൽ മരണപ്പെട്ടത്. മരിച്ചയാളുടെ അടുത്ത ബന്ധുക്കൾക്ക് ധനസഹായം നൽകുമെന്നും ബിഡിഒ അറിയിച്ചു.
