ചെന്നൈ: അഗ്‌നിപഥ് പ്രതിഷേധം തെക്കെ ഇന്ത്യയിലേക്കും വ്യാപിച്ചതോടെ ഒമ്പത് ട്രെയിനുകള്‍ റദ്ദാക്കി ദക്ഷിണ റെയിൽവേ. തെലങ്കാനയിൽ ഉണ്ടായ അക്രമ സംഭവങ്ങളെ തുടർന്ന് തിരുവനന്തപുരം - സെക്കന്ദരാബാദ് ശബരി എക്സ്പ്രസ് പൂർണമായും റദ്ദാക്കി. മൈസൂരു-ധർഭംഗ ബാഗ്മതി എക്സ്പ്രസ്, എറണാകുളം-ബറൗണി രപ്തിസാഗർ എക്സ്പ്രസ്, ബംഗളൂരു ദനാപൂർ സംഘമിത്ര എക്സ്പ്രസ് എന്നിവ ഭാഗികമായി റദ്ദാക്കിയതായും ദക്ഷിണ റെയിൽവേ അറിയിച്ചു.
ചെന്നൈ സെൻട്രൽ എക്സ്പ്രസ്, ഹൈദരാബാദ് താംബരം-ചാർമിനാർ എക്സ്പ്രസ്, ബെംഗളൂരു-ദാനപൂർ എക്സ്പ്രസ്, ചെന്നൈ സെൻട്രൽ-ഹൈദരാബാദ് എക്സ്പ്രസ്, താംബരം-ഹൈദരാബാദ് ചാർമിനാർ എക്സ്പ്രസ് എന്നിവ ജൂൺ 18 തിയതി ഉണ്ടായിരിക്കില്ല. എറണാകുളം-പാറ്റ്ന ദ്വൈവാര സൂപ്പർഫാസ്റ്റ് എക്‌സ്പ്രസിന്‍റെ ജൂൺ 20ലെ യാത്രയും റദ്ദാക്കി.
