ETV Bharat / bharat

ಕಾಂಗ್ರೆಸ್ ಬಗ್ಗೆ​ ಮೋಹನ್ ಭಾಗವತ್ ಶ್ಲಾಘಿಸಿದ್ದು 2018ರಲ್ಲಿ, ಈಗಲ್ಲ; ಫ್ಯಾಕ್ಟ್ ಚೆಕ್ ಇಲ್ಲಿದೆ - Fact Check

author img

By ETV Bharat Karnataka Team

Published : May 28, 2024, 5:48 PM IST

ದೇಶದ ಸ್ವಾತಂತ್ರ್ಯ ಚಳವಳಿಯಲ್ಲಿ ಕಾಂಗ್ರೆಸ್ ಕೊಡುಗೆ ಮಹತ್ವದ್ದು ಎಂದು ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಇತ್ತೀಚೆಗೆ ಶ್ಲಾಘಿಸಿದ್ದಾರೆ ಎಂಬಂತೆ ಬಿಂಬಿಸುವ ವಿಡಿಯೋಯೊಂದು ವೈರಲ್​ ಆಗಿದೆ. ಆದರೆ, ಇದರ ಆಸಲಿಯತ್ತು ಬೇರೆಯಾಗಿದೆ.

Fact checking of RSS Chief Mohan Bhagwat recently praising Congress. (ETV Bharat)
ಕಾಂಗ್ರೆಸ್ ಬಗ್ಗೆ​ ಮೋಹನ್ ಭಾಗವತ್ ಶ್ಲಾಘಿಸಿದ್ದು 2018ರಲ್ಲಿ, ಈಗಲ್ಲ; ಫ್ಯಾಕ್ಟ್ ಚೆಕ್ (ETV Bharat)

ನವದೆಹಲಿ: ದೇಶದ ಸ್ವಾತಂತ್ರ್ಯ ಚಳವಳಿಗೆ ಕಾಂಗ್ರೆಸ್ ಕೊಡುಗೆ ನೀಡಿದೆ ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್‌ಎಸ್‌ಎಸ್) ಮುಖ್ಯಸ್ಥ ಮೋಹನ್ ಭಾಗವತ್ ಶ್ಲಾಘಿಸಿರುವ ವಿಡಿಯೋ ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ಇದನ್ನು ಇತ್ತೀಚಿನ ಹೇಳಿಕೆ ಎಂಬಂತೆ ಬಿಂಬಿಸಲಾಗುತ್ತಿದೆ. ಆದರೆ, 2018ರಲ್ಲಿ ಭಾಗವತ್ ಮಾತನಾಡಿದ ಹಳೆಯ ವಿಡಿಯೋ ಇದಾಗಿದೆ. ಈಗ ಮತ್ತೆ ಇದೇ ವಿಡಿಯೋ ಹಂಚಿಕೊಂಡು ತಪ್ಪುದಾರಿಗೆ ಎಳೆಯಲಾಗುತ್ತಿದೆ ಎಂದು ಸುದ್ದಿಸಂಸ್ಥೆ ಪಿಟಿಐ ಫ್ಯಾಕ್ಟ್ ಚೆಕ್​ನಲ್ಲಿ ದೃಢಪಟ್ಟಿದೆ.

Screengrabs from the social media posts making claims.
ಇತ್ತೀಚೆಗೆ ಹಂಚಿಕೊಂಡ ವಿಡಿಯೋದ ಸ್ಕ್ರೀನ್‌ಗ್ರಾಬ್‌ಗಳು. (ETV Bharat)

ಮೇ 22ರಂದು ಫೇಸ್‌ಬುಕ್ ಬಳಕೆದಾರರು ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರ ಹೇಳಿಕೆ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ದೇಶದ ಸ್ವಾತಂತ್ರ್ಯ ಚಳವಳಿಗೆ ನೀಡಿದ ಕೊಡುಗೆಗಾಗಿ ಕಾಂಗ್ರೆಸ್ ಪಕ್ಷವನ್ನು ಶ್ಲಾಘಿಸುವುದನ್ನು ಕೇಳಬಹುದು. ಈ ವಿಡಿಯೋ ಪೋಸ್ಟ್​ ಮಾಡಿ ''ಮೋಹನ್ ಭಾಗವತ್ ಕಾಂಗ್ರೆಸ್ ಪಕ್ಷವನ್ನು ಹೊಗಳಿದ್ದಾರೆ'' ಎಂದು ಶೀರ್ಷಿಕೆ ನೀಡಲಾಗಿದೆ. ಇದೇ ವಿಡಿಯೋವನ್ನು ಹಲವರು ಪೋಸ್ಟ್‌ ಮಾಡಿದ್ದಾರೆ.

Screengrab of a news article on Mohan Bhagwat's speech
ಮೋಹನ್ ಭಾಗವತ್ ಭಾಷಣದ 2018ರ ಸುದ್ದಿಯ ಸ್ಕ್ರೀನ್‌ಗ್ರಾಬ್ (ETV Bharat)

ಈ ಬಗ್ಗೆ ಪಿಟಿಐ ಫ್ಯಾಕ್ಟ್ ಚೆಕ್​ ಡೆಸ್ಕ್ ಪರಿಶೀಲನೆ ಮಾಡಿದಾಗ 2018ರಲ್ಲಿ ಭಾಗವತ್ ಮಾತನಾಡಿದ ಹಳೆಯ ವಿಡಿಯೋ ಇದಾಗಿದೆ. 2018ರ ಸೆಪ್ಟೆಂಬರ್ 18ರಂದು ಇಂಡಿಯನ್ ಎಕ್ಸ್‌ಪ್ರೆಸ್‌ನ ಅಧಿಕೃತ ಫೇಸ್‌ಬುಕ್‌ ಖಾತೆಯಲ್ಲಿ ಈ ವಿಡಿಯೋ ಅಪ್‌ಲೋಡ್​ ಮಾಡಿರುವುದು ಪತ್ತೆಯಾಗಿದೆ. ''ಈ ದೇಶದ ಜನರನ್ನು ಸ್ವಾತಂತ್ರ್ಯದ ಹಾದಿಯಲ್ಲಿ ಒಟ್ಟಿಗೆ ತರುವಲ್ಲಿ ಕಾಂಗ್ರೆಸ್‌ನ ಸಿದ್ಧಾಂತ ಪ್ರಮುಖ ಪಾತ್ರ ವಹಿಸಿದೆ ಎಂದು ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ'' ಎಂದು ಶೀರ್ಷಿಕೆ ನೀಡಿ ಅಂದು ವಿಡಿಯೋ ಹಂಚಿಕೊಳ್ಳಲಾಗಿದೆ.

Screengrab of a news article on Mohan Bhagwat's speech
ಮೋಹನ್ ಭಾಗವತ್ ಭಾಷಣದ 2018ರ ಸುದ್ದಿಯ ಸ್ಕ್ರೀನ್‌ಗ್ರಾಬ್ (ETV Bharat)

ಅದೇ ರೀತಿಯಾಗಿ 2018ರ ಸೆಪ್ಟೆಂಬರ್ 18ರಂದು ಎನ್​ಡಿಟಿವಿ ಸಹ ಅಧಿಕೃತ ಯೂಟ್ಯೂಬ್​ ಚಾನೆಲ್​ನಲ್ಲಿ ಭಾಗವತ್ ಭಾಷಣದ ವಿಡಿಯೋ ಅಪ್‌ಲೋಡ್ ಮಾಡಲಾಗಿದೆ. ''ದೆಹಲಿಯಲ್ಲಿ ಮೂರು ದಿನಗಳ ಸಮಾವೇಶದಲ್ಲಿ ಮೋಹನ್ ಭಾಗವತ್ ಮಾತನಾಡಿ, ಕಾಂಗ್ರೆಸ್‌ನ ರೂಪದಲ್ಲಿ ರಾಷ್ಟ್ರದಲ್ಲಿ ಒಂದು ದೊಡ್ಡ ಸ್ವಾತಂತ್ರ್ಯ ಚಳವಳಿಯು ಹೊರಹೊಮ್ಮಿತು. ಇದು ಇಂದಿಗೂ ನಮಗೆ ಸ್ಫೂರ್ತಿ ನೀಡುತ್ತಿರುವ ಹಲವಾರು ಸರ್ವ ತ್ಯಾಗದ ಮಹಾನ್ ವ್ಯಕ್ತಿಗಳಿಗೆ ಜನ್ಮ ನೀಡಿತು. ಆ ಆಂದೋಲನವು ಸಾಮಾನ್ಯ ಜನರನ್ನು ಸ್ವಾತಂತ್ರ್ಯ ಹೋರಾಟಕ್ಕೆ ಸೇರುವಂತೆ ಪ್ರೇರೇಪಿಸಿತು. ಸ್ವಾತಂತ್ರ್ಯವನ್ನು ಸಾಧಿಸುವಲ್ಲಿ ಅದು ನಮ್ಮಲ್ಲಿ ದೊಡ್ಡ ಪಾತ್ರವನ್ನು ಹೊಂದಿತ್ತು'' ಎಂದು ಹೇಳಿದ್ದಾರೆ ಎಂಬುವುದಾಗಿ ಎನ್​ಡಿಟಿವಿ ತನ್ನ ಯೂಟ್ಯೂಬ್​ ಖಾತೆಯಲ್ಲಿ ಬರೆದಿದೆ.

Screengrabs from the viral video and an original youtube video from 2018.
ಭಾಗವತ್ ಅವರ ವೈರಲ್ ವಿಡಿಯೋ ಮತ್ತು 2018ರ ಮೂಲ ಯೂಟ್ಯೂಬ್ ವಿಡಿಯೋದ ಸ್ಕ್ರೀನ್‌ಗ್ರಾಬ್‌. (ETV Bharat)

ಈ ಮೂಲಕ ಕಾಂಗ್ರೆಸ್​ ಪಕ್ಷವನ್ನು ಮೋಹನ್​ ಭಾಗವತ್ ಹೊಗಳಿರುವ 2018ರ ಹಳೆಯ ವಿಡಿಯೋವನ್ನು ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ತಪ್ಪುದಾರಿಗೆಳೆಯುವ ಹಕ್ಕುಗಳೊಂದಿಗೆ ಹಂಚಿಕೊಳ್ಳಲಾಗಿದೆ ಎಂದು ಫ್ಯಾಕ್ಟ್ ಚೆಕ್​ನಲ್ಲಿ ಖಚಿತವಾಗಿದೆ.

ಇದನ್ನೂ ಓದಿ: ಬಿಜೆಪಿ ರಾಷ್ಟ್ರೀಯ ವಕ್ತಾರರಾಗಿ ಪ್ರಶಾಂತ್ ಕಿಶೋರ್ ನೇಮಕವಾಗಿದ್ದಾರೆಯೇ?: ಪ್ಯಾಕ್ಟ್​ ಚೆಕ್​ ಇಲ್ಲಿದೆ...

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.