ಹೈದರಾಬಾದ್: ಮಾರುಕಟ್ಟೆಯಲ್ಲಿಂದು ಡ್ರ್ಯಾಗನ್ ಫ್ರುಟ್ಗೆ ಹೆಚ್ಚಿನ ಬೇಡಿಕೆಯಿದೆ. ಉಷ್ಣವಲಯದಲ್ಲಿ ಬೆಳೆಯುವ ಈ ಹಣ್ಣನ್ನು ಇಂದು ಅನೇಕ ಕಡೆ ಪ್ರಯೋಗಿಕವಾಗಿ ಬೆಳೆದು ಯಶಸ್ಸು ಕಂಡವರು ಇದ್ದಾರೆ. ಕೇವಲ ರುಚಿ ಮತ್ತು ಆರೋಗ್ಯದ ಅಂಶವನ್ನು ಹೊಂದಿರದ ಈ ಹಣ್ಣು ಹಲವು ಅದ್ಬುತ ಪ್ರಯೋಜನ ಹೊಂದಿದೆ. ಅದರಲ್ಲೂ ತ್ವಚೆಯ ಆರೈಕೆಯಲ್ಲೂ ಇದನ್ನು ಪ್ರಮುಖವಾಗಿ ಬಳಕೆ ಮಾಡುವುದರಿಂದ ಇದಕ್ಕೆ ಹೆಚ್ಚಿನ ಬೇಡಿಕೆ ಇದೆ.
ತ್ವಚೆಯ ಆರೈಕೆ: ತ್ವಚೆಯ ಆರೈಕೆ ಅತಿ ಹೆಚ್ಚಿನ ಕಾಳಜಿ ವಿಚಾರವಾಗಿದ್ದು, ಅದರಲ್ಲೂ ಒಣ ತ್ವಚೆಯನ್ನು ಸಾಕಷ್ಟು ಮುನ್ನೆಚ್ಚರಿಕೆಯಿಂದ ನಿರ್ವಹಣೆ ಮಾಡಬೇಕಾಗುತ್ತದೆ. ತ್ವಚೆಯ ಉತ್ಪನ್ನಗಳಲ್ಲಿರುವ ಕೆಲವು ರಾಸಾಯನಿಕಗಳು ತ್ವಚೆಗೆ ಹಾನಿಯನ್ನು ಮಾಡುತ್ತದೆ. ಈ ಹಿನ್ನೆಲೆ ಕೆಲವೊಮ್ಮೆ ನೈಸರ್ಗಿಕ ಆರೈಕೆ ಅತ್ಯವಶ್ಯಕವಾಗುತ್ತದೆ. ಅದರಲ್ಲಿ ಒಂದು ಡ್ರ್ಯಾಗನ್ ಫ್ರುಟ್ನಿಂದ ಮಾಡಿಕೊಳ್ಳುವ ಆರೈಕೆಯಾಗಿದೆ. ಇದು ಚರ್ಮವನ್ನು ಮೃದುವಾಗಿಸಲು ಸಹಾಯ ಮಾಡುತ್ತದೆ. ಡ್ರಾಗನ್ ಹಣ್ಣಿನ ಆರೈಕೆ ಮಾಡಲು ಇಲ್ಲಿದೆ ಕೆಲವು ಸಲಹೆ.
ಡ್ರ್ಯಾಗನ್ ಹಣ್ಣಿನ ಪ್ರಯೋಜನ: ಡ್ರ್ಯಾಗನ್ ಫ್ರುಟ್ನಲ್ಲಿನ ಅತ್ಯುತ್ತಮ ನೈಸರ್ಗಿಕ ಅಂಶ ಇದ್ದು, ಇದು ಮುಖದ ನೆರಿಗೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರಲ್ಲಿನ ಉತ್ಕರ್ಷಣ ನಿರೋಧಕ ಗುಣ ಚರ್ಮವನ್ನು ಮೃದು ಮಾಡುತ್ತದೆ. ಚರ್ಮದ ಆರೋಗ್ಯವನ್ನು ಸುಧಾರಿಸಲು ಮತ್ತು ತೇವಾಂಶವನ್ನು ಪುನರ್ಸ್ಥಾಪಿಸಲು ಸಹಾಯ ಮಾಡುತ್ತದೆ. ಇದರಲ್ಲಿ ಹೆಚ್ಚಾಗಿ ಉತ್ಕರ್ಷಣ ನಿರೋಧಕ, ಖನಿಜ, ಜೀವ ಸತ್ವ ಮತ್ತು ಆರೋಗ್ಯಕರ ಕೊಬ್ಬಿನಾಮ್ಲಗಳಿದ್ದು, ತ್ವಚೆಗೆ ಬೇಕಾದ ಅಗತ್ಯ ಪೋಷಣೆ ಒದಗಿಸುತ್ತದೆ.
ಇನ್ನು ತ್ವಚೆಗೆ ಈ ಡ್ರ್ಯಾಗನ್ ಹಣ್ಣನ್ನು ಹೇಗೆ ಬಳಕೆ ಮಾಡುವುದು ಎಂಬ ಕುರಿತು ಚಿಂತಿಸುತ್ತಿದ್ದರೆ, ಇಲ್ಲಿದೆ ಸರಳ ಸಲಹೆಗಳು
ಹೀಗೆ ಮಾಡಿ: ರೋಸ್ ವಾಟರ್, ಕಡಲೆ ಹಿಟ್ಟು, ಹಾಲು, ಡ್ರ್ಯಾಗನ್ ಹಣ್ಣನ್ನು ತೆಗೆದುಕೊಳ್ಳಿ. ಡ್ರ್ಯಾಗನ್ ಹಣ್ಣನ್ನು ಚೆನ್ನಾಗಿ ರುಬ್ಬಿ ಪೇಸ್ಟ್ ಮಾಡಿಕೊಳ್ಳಿ. ಬಳಿಕ ಇದಕ್ಕೆ ಕಡಲೆ ಹಿಟ್ಟು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ನಂತರ ಹಾಲು ಮತ್ತು ರೋಸ್ ವಾಟರ್ ಅನ್ನು ಸೇರಿಸಿ ಚೆನ್ನಾಗಿ ಪೇಸ್ಟ್ ಮಾಡಿ. ಇದಾದ ಬಳಿಕ ಈ ಪೇಸ್ಟ್ ಅನ್ನು ಮುಖ ಮತ್ತು ಕುತ್ತಿಗೆ ಭಾಗಗಳಿಗೆ ಹಚ್ಚಿ. 20 ನಿಮಿಷ ಹಾಗೇ ಬಿಡಿ. 20 ನಿಮಿಷದ ಬಳಿಕ ತಣ್ಣೀರಿನಿಂದ ಮುಖ ತೊಳೆಯಿರಿ. ಈ ರೀತಿ ಮಾಡುವುದರಿಂದ ನಿಮ್ಮ ಚರ್ಮ ಮೃದುವಾಗಿ ಉತ್ತಮ ಪೋಷಣೆ ಲಭ್ಯವಾಗುತ್ತದೆ.
ಇದನ್ನೂ ಓದಿ: ಸಾಂಪ್ರದಾಯಕ ಬೇಸಾಯಕ್ಕೆ ಗುಡ್ ಬೈ; ಡ್ರ್ಯಾಗನ್ ಫ್ರೂಟ್ ಬೆಳೆದು ಕೈ ತುಂಬಾ ಸಂಪಾದಿಸುವ ಹಾವೇರಿ ರೈತ
