ಶಿವಮೊಗ್ಗ: ಪೋಸ್ಟ್ ಆಫೀಸ್ಗೆ ಹೋಗುತ್ತಿದ್ದ ಅಜ್ಜಿಯ ಸರ ಕದ್ದು ಪರಾರಿಯಾಗಿದ್ದ ಮೂವರು ಸರಗಳ್ಳರನ್ನು ಭದ್ರಾವತಿ ಪೇಪರ್ ಟೌನ್ ಪೊಲೀಸರು ಬಂಧಿಸಿದ್ದಾರೆ. ಭದ್ರಾವತಿಯ ಪೋಸ್ಟ್ ಆಫೀಸ್ ರಸ್ತೆಯಲ್ಲಿ ಶನಿವಾರ ಲಕ್ಷ್ಮಮ್ಮ ಎಂಬ 85 ವರ್ಷದ ವೃದ್ಧೆ ನಡೆದು‌ಕೊಂಡು ಹೋಗುವಾಗ ಎರಡು ಬೈಕ್ನಲ್ಲಿ ಬಂದ ಮೂವರು ಅಜ್ಜಿಯ ಸರ ಕದ್ದು ಪರಾರಿಯಾಗಿದ್ದರು.
ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದ ಪೇಪರ್ ಟೌನ್ ಪೊಲೀಸರು ಕೃತ್ಯ ನಡೆದ 24 ಗಂಟೆಗಳ ಒಳಗೆ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಭದ್ರಾವತಿ ಎರೆಹಳ್ಳಿಯ ಪವನ್(19), ಸಂಜಯ ಕಾಲೋನಿಯ ವಿಷ್ಣು(19) ಹಾಗೂ ಹೆಬ್ಬಂಡಿಯ ಮಹೇಶ್(19) ಬಂಧಿತ ಆರೋಪಿಗಳು.
ಇವರುಗಳಿಂದ 103 ಗ್ರಾಂ ತೂಕದ 4 ಲಕ್ಷದ 63 ಸಾವಿರ ರೂ. ಮೌಲ್ಯದ ಚಿನ್ನದ ಸರ ಹಾಗೂ ಕೃತ್ಯಕ್ಕೆ ಬಳಸಿದ ಎರಡು ಬೈಕ್ಗಳನ್ನು ವಶಕ್ಕೆ ಪಡೆಯಲಾಗಿದೆ. ಈ ಮೂವರು ನ್ಯೂಟೌನ್ ಹಾಗೂ ಪೇಪರ್ ಟೌನ್ ಪೊಲೀಸ್ ಠಾಣಾ ವ್ಯಾಪ್ತಿಯ ಎರಡು ಕಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿದ್ದರು.
