ಬೆಂಗಳೂರು: ತಮ್ಮ ಹಾಗೂ ಅಣ್ಣನ ಮಕ್ಕಳ ನಡುವೆ ಆಸ್ತಿಗಾಗಿ ನಡೆದ ಜಗಳದ ಮಧ್ಯೆ ಹೋಗಿ ಕೊಲೆ ಮಾಡಿರುವ ವ್ಯಕ್ತಿ ಈಗ ಜೈಲು ಸೇರಿದ್ದಾನೆ. ಬಾಲಕೃಷ್ಣ ಎಂಬವನು ಕೊಲೆಯಾದ ವ್ಯಕ್ತಿ. ನವೀನ್ ರಾವ್ ಬಂಧಿತ ಆರೋಪಿ. ಆಸ್ತಿ ವಿಚಾರಕ್ಕೆ ಕೆಪಿ ಅಗ್ರಹಾರದ ನಿವಾಸಿ ಬಾಲಕೃಷ್ಣನನ್ನು ಕೊಲೆ ಮಾಡಲಾಗಿದೆ. ನಿನ್ನೆ ತಡರಾತ್ರಿ 2 ಗಂಟೆ ವೇಳೆಗೆ ಘಟನೆ ನಡೆದಿದ್ದು, ಸಿಮೆಂಟ್ ಕಲ್ಲಿನಿಂದ ತಲೆ ಮೇಲೆ ಹೊಡೆದು ಕೊಲೆ ಮಾಡಲಾಗಿದೆ.
ಬಾಲಕೃಷ್ಣ ಮತ್ತು ಅವರ ತಮ್ಮ- ಅಣ್ಣನ ಮಕ್ಕಳ ನಡುವೆ ಆಸ್ತಿ ವಿವಾದವಿತ್ತು. ಬಾಲಕೃಷ್ಣ ಅವರು ಮದುವೆ ಆಗಿರಲಿಲ್ಲ. ಇದರಿಂದ ಅಣ್ಣನ ಮಗ ನವೀನ್ ಸ್ನೇಹಿತನಾಗಿದ್ದ ಅದೇ ಏರಿಯಾದ ನವೀನ್ ರಾವ್, ಬಾಲಕೃಷ್ಣಗೆ ನವೀನ್ಗೆ ಆಸ್ತಿ ಕೊಡುವಂತೆ ಗಲಾಟೆ ಮಾಡಿದ್ದಾನೆ. ತಡ ರಾತ್ರಿ ಇಬ್ಬರು ಒಟ್ಟಿಗೆ ಕುಡಿದು ಬಂದು ಮನೆಯನ್ನು ಸ್ನೇಹಿತನಿಗೆ ಬಿಟ್ಟುಬಿಡು ಎಂದು ಮತ್ತೆ ಕಿರಿಕ್ ಮಾಡಿದ್ದನು.
ಇದಕ್ಕೆ ಬಾಲಕೃಷ್ಣ ನಿರಾಕರಿಸಿದಾಗ ಅಲ್ಲೆ ಇದ್ದ ಸಿಮೆಂಟ್ ಹಾಲೋಬ್ಲಾಕ್ನಿಂದ ಬಾಲಕೃಷ್ಣ ಮೇಲೆ ಹಲ್ಲೆ ನಡೆಸಿದ್ದಾನೆ. ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿದರೂ ಬಾಲಕೃಷ್ಣ ಚಿಕಿತ್ಸೆ ಫಲಕಾರಿಯಾಗದೇ ಅಸುನೀಗಿದ್ದಾನೆ. ಸದ್ಯ ಘಟನೆ ಸಂಬಂಧ ನವೀನ್ ರಾವ್ ನನ್ನು ಕೆಪಿ ಅಗ್ರಹಾರ ಪೊಲೀಸರು ಬಂಧಿಸಿ ವಿಚಾರಕ್ಕೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ: ನಡು ರಸ್ತೆಯಲ್ಲೇ ಕಲಬುರಗಿ ಯುವಕನ ಬರ್ಬರ ಕೊಲೆ.. ಸಿಸಿಟಿವಿಯಲ್ಲಿ ಭಯಾನಕ ದೃಶ್ಯ ಸೆರೆ
