ಲಂಡನ್: ಎಟಿಪಿ ಟೆನಿಸ್ ಟೂರ್ನಿಯ ಫೈನಲ್ಸ್ನ ಗ್ರೂಪ್ ಪಂದ್ಯದಲ್ಲಿ ವಿಶ್ವ ದಿಗ್ಗಜ ಆಟಗಾರ ರಾಫೆಲ್ ನಡಾಲ್ ವಿರುದ್ಧ ಡೊನಮಿಕ್ ಥೀಮ್ ಭರ್ಜರಿ ಜಯದಾಖಲಿಸಿದ್ದಾರೆ.
ರಾಫೆಲ್ ವಿರುದ್ಧ 6-7 (7), 7-6(4) ಸೆಟ್ಗಳಿಂದ ಜಯ ದಾಖಲಿಸಿದ್ದಾರೆ. ವಿಶ್ವದ ಮೂರನೇ ಶ್ರೇಯಾಂಕಿತ ಆಟಗಾರನಾಗಿದ್ದ ಡೊನಮಿಕ್ ಇದೀಗ ನಡಾಲ್ ಹಿಂದಿಕ್ಕಿ ಎರಡನೇ ಸ್ಥಾನಕ್ಕೆ ಏರಿದ್ದಾರೆ.
ಮೊದಲ ಸೆಟ್ನಲ್ಲಿ ಟೈ ಬ್ರೇಕರ್ನಲ್ಲಿ ಎರಡು ಸೆಟ್ ಪಾಯಿಂಟ್ ಗಳಿಸಿ, ಬಳಿಕ 72 ನಿಮಿಷದಲ್ಲಿ ಎರಡನೇ ಸೆಟ್ನಲ್ಲಿ ಗೆಲುವು ದಾಖಲಿಸಿದ್ದಾರೆ.
ಗ್ರೂಪ್ ಲಂಡನ್ 2020ಯಲ್ಲಿ ರೌಂಡ್ ರಾಬಿನ್ ವಿಭಾಗದಲ್ಲಿ ಥೀಮ್ ಈಗ 2-0 ಸ್ಥಾನದಲ್ಲಿದ್ದರೆ, ಸತತವಾಗಿ ಎರಡನೇ ವರ್ಷ ಸೆಮಿಫೈನಲ್ ತಲುಪಿ ತಮ್ಮ ಆಟವನ್ನು ಸುಧಾರಿಸಿಕೊಂಡಿದ್ದಾರೆ.
ಪಂದ್ಯದ ಬಳಿಕ ಮಾತನಾಡಿದ ಥೀಮ್ 'ಈ ಪಂದ್ಯವು ರೀತಿಯಿಂದಲೂ ಅತ್ಯಂತ ಕಷ್ಟಕರವಾಗಿತ್ತು. ನಾನು ಮಾಡಿದ ಸರ್ವ್ಗಳು ಹೆಚ್ಚು ನಿಖರವಾಗಿದ್ದವು, ಮತ್ತು ನನಗೆ ಆ ಬಗ್ಗೆ ಸಂತಸವಿದೆ. ನಾನು ಪಂದ್ಯದ ಮೊದಲ ಸರ್ವ್ ಪಡೆದಾಗ ಉತ್ತಮ ಆರಂಭ ಪಡೆಯುವ ವಿಶ್ವಾಸವಿತ್ತು ಹಾಗೂ ಅದನ್ನೇ ಮುಂದುವರಿಸಿದೆ’ ಎಂದಿದ್ದಾರೆ.
ಮೊದಲ ಸೆಟ್ ಟೈ ಆದಾಗ ನಾನು ತುಂಬಾನೇ ಕಷ್ಟದಲ್ಲಿದ್ದೆ. ಆಗ ನನಗೆ ಸರ್ವ್ಗಳು ಸಹಾಯ ಮಾಡಿದವು. ಇದು ಒಳಾಂಗಣ ಟೆನಿಸ್ನಲ್ಲಿ ಉತ್ತಮ ಹೊಡೆತ ಎಂದು ನಾನು ಭಾವಿಸಿದ್ದೇನೆ ಎಂದರು.
