ವಿಂಬಲ್ಡನ್​: ಹೊಟ್ಟೆನೋವಿನ ಮಧ್ಯೆಯೂ ಹೋರಾಡಿ ಸೆಮಿಫೈನಲ್‌ ತಲುಪಿದ ನಡಾಲ್

ಆಸ್ಟ್ರೇಲಿಯಾ, ಫ್ರೆಂಚ್​ ಓಪನ್​ ಗೆದ್ದಿರುವ 22 ಗ್ರ್ಯಾಂಡ್​ ಸ್ಲ್ಯಾಮ್​ಗಳ ಅಧಿಪತಿ ರಾಫೆಲ್​ ನಡಾಲ್​ ವಿಂಬಲ್ಡನ್​ ಟೆನಿಸ್​ ಟೂರ್ನಿಯಲ್ಲಿ ಸೆಮಿಫೈನಲ್​ ತಲುಪಿದರು. ಈ ಮೂಲಕ ವರ್ಷದ ಮೂರನೇ ಪ್ರತಿಷ್ಟಿತ ಪ್ರಶಸ್ತಿಯ ಸನಿಹ ತಲುಪಿದ್ದಾರೆ.

ಲಂಡನ್​: 22 ಗ್ರ್ಯಾಂಡ್ ಸ್ಲಾಮ್​ಗಳ ಒಡೆಯ ಸ್ಪೇನ್​ನ ರಾಫೆಲ್ ನಡಾಲ್​ ಹೊಟ್ಟೆನೋವಿನ ನಡುವೆಯೇ ಅಮೆರಿಕದ ಟೈಲರ್​ ಫ್ರಿಟ್ಜ್​ರನ್ನು ಸೋಲಿಸಿ ವಿಂಬಲ್ಡನ್​ ಟೂರ್ನಿಯ ಪುರುಷರ ಸಿಂಗಲ್ಸ್​ನಲ್ಲಿ ಸೆಮಿಫೈನಲ್​ ತಲುಪಿದರು. ಫ್ರೆಂಚ್​ ಓಪನ್​ ಚಾಂಪಿಯನ್​ 36 ವರ್ಷದ ನಡಾಲ್​ಗೆ 24 ವರ್ಷದ ಟೈಲರ್​ ಫ್ರಿಟ್ಜ್​ ಭಾರಿ ಸವಾಲು ಒಡ್ಡಿದರು. ಸೆಂಟರ್​ ಕೋರ್ಟ್​ನಲ್ಲಿ ನಡೆದ ಪಂದ್ಯ 5 ಸೆಟ್​ಗಳನ್ನು ಕಂಡಿತು.

• Just @RafaelNadal things 😤
  
  The champion comes back to defeat Taylor Fritz in a five-set epic, 3-6, 7-5, 3-6, 7-5, 7-6(4)#Wimbledon | #CentreCourt100 pic.twitter.com/G7Luqy8lSH

  — Wimbledon (@Wimbledon) July 6, 2022 " class="align-text-top noRightClick twitterSection" data="

  Just @RafaelNadal things 😤
  
  The champion comes back to defeat Taylor Fritz in a five-set epic, 3-6, 7-5, 3-6, 7-5, 7-6(4)#Wimbledon | #CentreCourt100 pic.twitter.com/G7Luqy8lSH

  — Wimbledon (@Wimbledon) July 6, 2022

  ">

  Just @RafaelNadal things 😤
  
  The champion comes back to defeat Taylor Fritz in a five-set epic, 3-6, 7-5, 3-6, 7-5, 7-6(4)#Wimbledon | #CentreCourt100 pic.twitter.com/G7Luqy8lSH

  — Wimbledon (@Wimbledon) July 6, 2022

ಪಂದ್ಯದ ಮಧ್ಯೆ ಹೊಟ್ಟೆ ನೋವು: ಈ ಪಂದ್ಯದಲ್ಲಿ ನಡಾಲ್​ ತಮ್ಮ ಅನುಭವವನ್ನೆಲ್ಲ ಧಾರೆ ಎರೆದು ಟೈಲರ್​ ವಿರುದ್ಧ 3-6, 7-5, 3-6, 7-5, 7-6 (10-4) ಅಂತರದಲ್ಲಿ ಗೆಲುವು ಸಾಧಿಸಿದರು. ಪಂದ್ಯದ ಮೊದಲ ಸೆಟ್​ ಅನ್ನು ಟೈಲರ್​ 3-6 ರಿಂದ ಗೆದ್ದರು. ಬಳಿಕ ನಡಾಲ್​ 2ನೇ ಸೆಟ್ ಅನ್ನು 7-5 ರಲ್ಲಿ ವಶಪಡಿಸಿಕೊಂಡರು. ಈ ಸಂದರ್ಭದಲ್ಲಿ ಹೊಟ್ಟೆ ನೋವಿಗೀಡಾದರು. ಫಿಜಿಯೋ ತಪಾಸಣೆಯ ಬಳಿಕ ಮತ್ತೆ ಮೈದಾನಕ್ಕಿಳಿದ ನಡಾಲ್ ನೋವಿನ ಮಧ್ಯೆಯೇ ಆಟ ಮುಂದುವರಿಸಿದರು.

3ನೇ ಸೆಟ್​ ಅನ್ನು ಮತ್ತೆ 3-6 ರಿಂದ ಗೆದ್ದ ಟೈಲರ್​ ಅನುಭವಿ ಆಟಗಾರನಿಗೆ ಸವಾಲೆಸೆದರು. ಮುಂದಿನ 4 ಮತ್ತು 5ನೇ ಸೆಟ್​ ಅನ್ನು ನಡಾಲ್ 7-5, 7-6 ರಲ್ಲಿ ತಮ್ಮದಾಗಿಸಿಕೊಂಡರು. ಬಳಿಕ ನಡೆದ ಟೈ ಬ್ರೇಕರ್​ನಲ್ಲಿ ಟೈಲರ್​ ವಿರುದ್ಧ ಪಾರಮ್ಯ ಮೆರೆದ ರಾಫ್​ 10-4 ಅಂತರದಲ್ಲಿ ಪಂದ್ಯ ಗೆದ್ದರು.

ರಾಫೆಲ್​ ನಡಾಲ್​ ಪಂದ್ಯ ಗೆದ್ದರೂ 24 ರ ಹರೆಯದ ಟೈಲರ್​ ತನ್ನ ಮನಮೋಹಕ ಆಟದ ಮೂಲಕ ಪ್ರೇಕ್ಷಕರ ಮನಗೆದ್ದರು. ಪಂದ್ಯ ಬಳಿಕ ಕೈ ಕುಲುಕಿದ ನಡಾಲ್​ ಯುವ ಆಟಗಾರನ ಬೆನ್ನು ತಟ್ಟಿದ್ದು ಪ್ರೇಕ್ಷಕರ ಮೆಚ್ಚುಗೆ ಗಿಟ್ಟಿಸಿತು. ಈ ವರ್ಷದಲ್ಲಿ ಆಸ್ಟ್ರೇಲಿಯಾ, ಫ್ರೆಂಚ್​ ಓಪನ್​ ತನ್ನದಾಗಿಸಿರುವ ರಾಫೆಲ್​ ನಡಾಲ್​ ಸೆಮಿಫೈನಲ್​ ತಲುಪಿ ಇದೀಗ 3ನೇ ಪ್ರಶಸ್ತಿಯ ಸನಿಹದಲ್ಲಿದ್ದಾರೆ.

ಮತ್ತೊಂದೆಡೆ, ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಅಮೆರಿಕದ ನಿಕ್ ಕಿರ್ಗಿಯೋಸ್ ಚಿಲಿಯ ಕ್ರಿಸ್ಟಿಯನ್ ಗ್ಯಾರಿನ್ ಅವರನ್ನು 6-4, 6-3, 7-6 ನೇರ ಸೆಟ್‌ಗಳಿಂದ ಮಣಿಸಿ ಮೊದಲ ಬಾರಿಗೆ ವಿಂಬಲ್ಡನ್​ ಸೆಮಿಫೈನಲ್​ ತಲುಪಿದ್ದಾರೆ. ಸೆಮಿಫೈನಲ್​ನಲ್ಲಿ ನಿಕ್ ಕಿರ್ಗಿಯೋಸ್ ಮತ್ತು ರಾಫೆಲ್​ ನಡಾಲ್​ ಸೆಣಸಾಡಲಿದ್ದಾರೆ.

ಇದನ್ನೂ ಓದಿ: ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತು ವಿಂಬಲ್ಡನ್ ಪಂದ್ಯ ವೀಕ್ಷಿಸಿದ ಮಹೇಂದ್ರ ಸಿಂಗ್​ ಧೋನಿ