ನವದೆಹಲಿ: 2022ರ ಸಾಲಿನ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರ ಪಟ್ಟಿ ಬಿಡುಗಡೆಯಾಗಿದ್ದು, ಪ್ಯಾರಾ ಅಥ್ಲೀಟ್ ದೇವೇಂದ್ರ ಜಝಾರಿಯಾ ಅವರು ಕ್ರೀಡಾ ವಿಭಾಗದಲ್ಲಿ ಪದ್ಮ ಭೂಷಣ ಒಲಿದಿದ್ದರೆ, ಇನ್ನಿತರ 7 ಮಂದಿ ಕ್ರೀಡಾಪಟುಗಳಿಗೆ ಪದ್ಮಶ್ರೀ ಪ್ರಶಸ್ತಿ ಲಭಿಸಿದೆ.
40 ವರ್ಷದ ಪ್ಯಾರಾ ಜಾವಲಿನ್ ಥ್ರೋವರ್ 2004ರ ಅಥೆನ್ಸ್ ಮತ್ತು 2016ರ ರಿಯೋ ಪ್ಯಾರಾಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಪಡೆದರೆ, 2020ರ ಟೋಕಿಯೋ ಪ್ಯಾರಾಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದು ಜಝಾರಿಯಾ ದೇಶಕ್ಕೆ ಕೀರ್ತಿ ತಂದಿದ್ದರು.
ಜಾಹೀರಾತು-ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಪ್ಯಾರಾ ಕ್ರೀಡೆಯಲ್ಲಿ ಅನನ್ಯ ಸಾಧನೆಗೈದಿರುವ ಜಝಾರಿಯಾ ಈಗಾಗಲೇ 2012ರಲ್ಲಿ ಪದ್ಮ ಪ್ರಶಸ್ತಿ ಪಡೆಯುವ ಮೂಲಕ ಈ ಪ್ರಶಸ್ತಿ ಪಡೆದ ದೇಶದ ಮೊದಲ ಪ್ಯಾರಾ ಅಥ್ಲೀಟ್ ಎನಿಸಿಕೊಂಡಿದ್ದರು.
ಪದ್ಮಶ್ರೀ ಪ್ರಶಸ್ತಿ ವಿಜೇತರು
- ಸುಮಿತ್ ಅಂತಿಲ್: ಪ್ಯಾರಾ ಜಾವಲಿನ್ ಥ್ರೋವರ್
- ಪ್ರಮೋದ ಭಗತ್: ಪ್ಯಾರಾ ಬ್ಯಾಡ್ಮಿಂಟನ್
- ನೀರಜ್ ಚೋಪ್ರಾ: ಅಥ್ಲೆಟಿಕ್ಸ್
- ಫೈಸಲ್ ಅಲಿ ದರ್ : ಮಾರ್ಷಲ್ ಆರ್ಟ್ಸ್ ಕೋಚ್
- ಅವನಿ ಲೇಖಾರ: ಪ್ಯಾರಾ ಶೂಟರ್
- ಬ್ರಹ್ಮಾನಂದ ಸಂಖ್ವಾಲ್ಕರ್: ಮಾಜಿ ಫುಟ್ಬಾಲ್ ಆಟಗಾರ
- ವಂದನಾ ಕಟಾರಿಯಾ : ಭಾರತ ಮಹಿಳಾ ಹಾಕಿ ಆಟಗಾರ್ತಿ
ಇದನ್ನೂ ಓದಿ:ಒಲಿಂಪಿಕ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾಗೆ 'ಪರಮ್ ವಿಶಿಷ್ಠ ಸೇವಾ ಪದಕ' ಪ್ರದಾನ
