ನವದೆಹಲಿ: ಭಾರತದ ಯುವ ಶಟ್ಲರ್ ಅಶ್ಮಿತ ಚಲಿಹಾ ತಮ್ಮ ಇಂಡಿಯಾ ಓಪನ್ ಟೂರ್ನಿಯ ತಮ್ಮ ಮೊದಲ ಸುತ್ತಿನಲ್ಲೇ ಟೂರ್ನಿಯಲ್ಲಿ 5ನೇ ಶ್ರೇಯಾಂಕಿತ ರಷ್ಯಾದ ಇವ್ಗೆನಿಯಾ ಕಾಸೆತ್ಸ್ಕಾಯಗೆ ಆಘಾತಕಾರಿ ಸೋಲುಣಿಸಿ ದರೆ, ಸಿಂಧು ಸುಲಭ ಜಯದೊಂದಿಗೆ ಮಹಿಳೆಯರ ಸಿಂಗಲ್ಸ್ನಲ್ಲಿ ದ್ವಿತೀಯ ಸುತ್ತು ಪ್ರವೇಶಿಸಿದರು. ಇನ್ನು, ಅಗ್ರ ಶ್ರೇಯಾಂಕ ಪಡೆದಿರುವ ಸಿಂಧು ಕೂಡ 2ನೇ ಸುತ್ತಿಗೆ ತೇರ್ಗಡೆಯಾಗಿದ್ದಾರೆ.
ಮಂಗಳವಾರದಿಂದ ಆರಂಭವಾಗಿರುವ ಟೂರ್ನಿಯ ಮೊದಲ ಪಂದ್ಯದಲ್ಲಿ ಅಶ್ಮಿತ ಚಲಿಹಾ ಕೇವಲ 31 ನಿಮಿಷಗಳಲ್ಲಿ ವಿಶ್ವದ 28ನೇ ಶ್ರೇಯಾಂಕದ ರಷ್ಯನ್ ಶಟ್ಲರ್ಗೆ 24-22, 21-16ರಲ್ಲಿ ಸೋಲುಣಿಸಿದರು. ಸಿಂಧು ಭಾರತದವರೇ ಆದ ಸಾಯಿಕೃಷ್ಣ ಪ್ರಿಯಾ ಅವರನ್ನು 21- 5, 21-16ರ ಗೇಮ್ಗಳಲ್ಲಿ ಮಣಿಸಿದರು.
ಭಾರತದ ಉದಯೋನ್ಮುಖ ಶಟ್ಲರ್ ಲಕ್ಷ್ಯ ಸೇನ್ ಸಹೋದರ ಚಿರಾಗ್ ಸೇನ್ 8-21, 7-21ರಲ್ಲಿ ಮಲೇಷ್ಯಾದ ಸೂಂಗ್ ಜೋ ವೆನ್ ವಿರುದ್ಧ ತಮ್ಮ ಮೊದಲ ಸುತ್ತಿನಲ್ಲೇ ಸೋಲುಕಂಡರು.
ಇದನ್ನೂ ಓದಿ: ಹುಟ್ಟುಹಬ್ಬದ ಸಂಭ್ರಮದಲ್ಲಿ ದಿ ವಾಲ್; ರಾಹುಲ್‌ ದ್ರಾವಿಡ್ಗೆ ಹರಿದುಬಂದ ಶುಭಾಶಯಗಳ ಸುರಿಮಳೆ
