ಬರ್ಮಿಂಗ್‌ಹ್ಯಾಮ್(ಯುಕೆ): ಇಲ್ಲಿ ನಡೆಯುತ್ತಿರುವ ಕಾಮನ್ವೆಲ್ತ್ ಗೇಮ್ಸ್‌ನಲ್ಲಿ ಭಾರತಕ್ಕೆ ನಿನ್ನೆ ಪದಕಗಳ ಸುರಿಮಳೆ. ಒಂದೇ ದಿನ ವಿವಿಧ ವಿಭಾಗದಲ್ಲಿ 18 ಪದಕಗಳನ್ನು ಕೊಳ್ಳೆ ಹೊಡೆದಿದೆ. 6 ಚಿನ್ನ, 4 ಬೆಳ್ಳಿ, 8 ಕಂಚು ಮೆಡಲ್ಗಳನ್ನು ಭಾರತ ತನ್ನ ಖಾತೆಗೆ ಸೇರಿಸಿಕೊಂಡಿತು. ಈ ಮೂಲಕ ಪದಕ ಪಟ್ಟಿಯಲ್ಲಿ ಒಟ್ಟಾರೆ 55 ಪದಕಗಳಿಂದ 5 ನೇ ಸ್ಥಾನದಲ್ಲಿ ಮುಂದುವರಿದಿದೆ.
ಕುಸ್ತಿ, ವೇಟ್ ಲಿಫ್ಟಿಂಗ್ನಲ್ಲಿ ಹೆಚ್ಚು ಪದಕ: ಭಾರತದ ಪೈಲ್ವಾನ್ಗಳು ಮತ್ತು ವೇಟ್ ಲಿಫ್ಟರ್ಗಳು ಅತಿ ಹೆಚ್ಚು ಪದಕಗಳನ್ನು ತಂದು ಕೊಟ್ಟಿದ್ದಾರೆ. ಕುಸ್ತಿಯಲ್ಲಿ 6 ಚಿನ್ನ, 1 ಬೆಳ್ಳಿ, 5 ಕಂಚು ಬಂದರೆ, ಭಾರ ಎತ್ತುವ ಸ್ಪರ್ಧೆಯಲ್ಲಿ 1 ಚಿನ್ನ, 3 ಬೆಳ್ಳಿ, 4 ಕಂಚು ಬಂದಿವೆ.
ಅಥ್ಲೆಟಿಕ್ಸ್ನಲ್ಲಿ 8, ಕ್ರಿಕೆಟ್ 1, ಪ್ಯಾರಾ ಟೇಬಲ್ ಟೆನಿಸ್ 4, ಬ್ಯಾಡ್ಮಿಂಟನ್ ಸೇರಿದಂತೆ ಒಟ್ಟಾರೆ 18 ಚಿನ್ನ, 15 ಬೆಳ್ಳಿ, 22 ಕಂಚಿನ ಸಾಧನೆ ಮಾಡಿದೆ. ಇಂದು ಕಾಮನ್ವೆಲ್ತ್ ಗೇಮ್ಸ್ನ ಕೊನೆಯ ದಿನವಾಗಿದ್ದು, ಬ್ಯಾಡ್ಮಿಂಟನ್ನಲ್ಲಿ ಫೈನಲ್ ತಲುಪಿರುವ ಪಿವಿ ಸಿಂಧು ಮತ್ತು ಸೆನ್ ಸೇರಿದಂತೆ ವಿವಿಧ ಸ್ಪರ್ಧೆಗಳಲ್ಲಿ ಮತ್ತಷ್ಟು ಪದಕ ಬರುವ ಸಾಧ್ಯತೆ ಇದೆ.
ಪದಕ ಪಟ್ಟಿ (ಟಾಪ್ 5)
| ದೇಶ | ಚಿನ್ನ | ಬೆಳ್ಳಿ | ಕಂಚು | ಒಟ್ಟು |
| ಆಸ್ಟ್ರೇಲಿಯಾ | 65 | 54 | 53 | 172 |
| ಇಂಗ್ಲೆಂಡ್ | 56 | 59 | 52 | 167 |
| ಕೆನಡಾ | 24 | 32 | 34 | 90 |
| ನ್ಯೂಜಿಲ್ಯಾಂಡ್ | 19 | 12 | 17 | 48 |
| ಭಾರತ | 18 | 15 | 22 | 55 |
ಓದಿ: CWG 2022ರಲ್ಲಿ ಕಂಚಿನ ಪದಕ: ಭಾರತೀಯ ಮಹಿಳಾ ಹಾಕಿ ತಂಡದ ನೃತ್ಯ ಸಂಭ್ರಮ
