ಲಂಡನ್: ಭಾರತದ ಟೆನ್ನಿಸ್ ಜಗತ್ತಿನಲ್ಲಿ ಉದಯಿಸುತ್ತಿರುವ ಹೊಸ ಪ್ರತಿಭೆ ಸುಮಿತ್ ಎಟಿಪಿ ಟೆನ್ನಿಸ್ ರ್ಯಾಂಕಿಂಗ್ನಲ್ಲಿ 26 ಸ್ಥಾನ ಜಿಗಿತಕಂಡು ವೃತ್ತಿಜೀವನದಲ್ಲೇ ಅತ್ಯುತ್ತಮ ರ್ಯಾಂಕಿಂಗ್ ಕಾಯ್ದುಕೊಂಡಿದ್ದಾರೆ.
ಅಮೆರಿಕನ್ ಓಪನ್ನಲ್ಲಿ ಅರ್ಹತೆಗಿಟ್ಟಿಸಿಕೊಂಡಿದ್ದ ಸುಮಿತ್ ನಾಗಲ್ ನಿನ್ನೆಯಷ್ಟೇ ಬ್ಯೂನಸ್ ಏರ್ಸ್ ಎಟಿಪಿ ಚಾಲೆಂಜ್ ಟೂರ್ನಿ ಗೆಲ್ಲುವ ಮೂಲಕ ಭಾನುವಾರ ಬಿಡುಗಡೆಯಾದ ನೂತನ ಟೆನ್ನಿಸ್ ರ್ಯಾಂಕಿಂಗ್ನಲ್ಲಿ 26 ಸ್ಥಾನ ಜಿಗಿತ ಕಂಡಿದ್ದಾರೆ.
ಈ ಟೂರ್ನಿಗೂ ಮೊದಲೆ 161ನೇ ಸ್ಥಾನದಲ್ಲಿದ್ದ ಸುಮಿತ್ ಇದೀಗ 26 ಸ್ಥಾನ ಜಿಗಿತ ಕಂಡಿದ್ದು 135 ನೇ ಸ್ಥಾನಕ್ಕೇರಿದ್ದಾರೆ. ಸುಮಿತ್ ಬ್ಯೂನಸ್ ಓಪನ್ ಫೈನಲ್ನಲ್ಲಿ ಅರ್ಜೆಂಟೈನಾದ ಫಕುಂಡೊ ಬ್ಯಾಗಿನ್ಸ್ ಅವರನ್ನು 6-4, 6-2 ರಲ್ಲಿ ಮಣಿಸಿ ಪ್ರಶಸ್ತಿ ಜಯಿಸಿದ್ದರು.