ETV Bharat / sports

ವಿಶ್ವಕಪ್ ಕ್ರಿಕೆಟ್​: ಚಿನ್ನಸ್ವಾಮಿ ಮೈದಾನದಲ್ಲಿ ಭರ್ಜರಿ ಬ್ಯಾಟಿಂಗ್​; ರೆಕಾರ್ಡ್​ಗಳ ಸುರಿಮಳೆ

author img

By ETV Bharat Karnataka Team

Published : Nov 12, 2023, 6:51 PM IST

Team India record on India vs Netherlands Match; ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಟೀಮ್​ ಇಂಡಿಯಾ ನಿರ್ಮಿಸಿದ ದಾಖಲೆಗಳು ಹೀಗಿವೆ.

team India record in M Chinnaswamy Stadium
team India record in M Chinnaswamy Stadium

ಬೆಂಗಳೂರು: ನಡೆಯುತ್ತಿರುವ 2023ರ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ನಿರೀಕ್ಷೆಗೂ ಮೀರಿದ ಪ್ರದರ್ಶನ ನೀಡಿದ್ದು, ಲೀಗ್​ ಹಂತದ 8 ಪಂದ್ಯಗಳನ್ನು ಸುಲಭವಾಗಿ ಜಯಿಸಿದೆ. ಇಲ್ಲಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ನೆದರ್ಲೆಂಡ್ಸ್​​ಗೆ 410 ರನ್​ಗಳ ಬೃಹತ್​ ಗುರಿ ನೀಡಿದ್ದರಿಂದ ಇದನ್ನು ಗೆದ್ದು ಅಜೇಯವಾಗಿ ವಿಶ್ವಕಪ್​ನಲ್ಲಿ ಮುಂದುವರೆಯುವ ವಿಶ್ವಾಸ ಇದೆ.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಟೀಮ್​ ಇಂಡಿಯಾ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದೆ. ಭಾರತ ತಂಡದ ಶುಭಮನ್​ ಗಿಲ್​, ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಅರ್ಧಶತಕ ಮತ್ತು ಶ್ರೇಯಸ್​ ಅಯ್ಯರ್​, ಕೆ ಎಲ್​ ರಾಹುಲ್​ ಅವರ ಶತಕದ ನೆರವಿನಿಂದ 410 ರನ್​ ಕಲೆಹಾಕಿದೆ. ಈ ಬೃಹತ್​ ಮೊತ್ತದಿಂದ ಹಲವು ದಾಖಲೆಗಳು ನಿರ್ಮಾಣವಾಗಿವೆ.

ವೇಗದ ಶತಕ ಗಳಿಸಿದ ರಾಹುಲ್​: ವಿಶ್ವಕಪ್​ನಲ್ಲಿ ಟೀಮ್​ ಇಂಡಿಯಾ ಪರ ವೇಗದ ಶತಕ ಕೆ ಎಲ್​ ರಾಹುಲ್​ ಬ್ಯಾಟ್​ನಿಂದ ದಾಖಲಾಗಿದೆ. ಕೇವಲ 62 ಬಾಲ್​ ಎದುರಿಸಿದ ಅವರು 11 ಸಿಕ್ಸ್​ ಮತ್ತು 4 ಬೌಂಡರಿಯ ಸಹಾಯದಿಂದ 100 ರನ್​ ತಲುಪಿದರು. ಅಫ್ಘನ್​ ವಿರುದ್ಧ ರೋಹಿತ್​ ಶರ್ಮಾ 63 ಬಾಲ್​ನಲ್ಲಿ ಶತಕ ಸಿಡಿಸಿದ್ದ ದಾಖಲೆಯನ್ನು ರಾಹುಲ್​ ಮುರಿದಿದ್ದಾರೆ. ನಂತರದ ಸ್ಥಾನದಲ್ಲಿ ವಿರೇಂದ್ರ ಸೆಹ್ವಾಗ್​ (81) ಮತ್ತು ವಿರಾಟ್​ ಕೊಹ್ಲಿ (83) ಗಳಿಸಿದ ದಾಖಲೆಗಳಿವೆ.

ವಿಶ್ವಕಪ್​ನ ಐದನೇ ಬೃಹತ್​ ಮೊತ್ತ: ಟೀಮ್​ ಇಂಡಿಯಾ ಗಳಿಸಿದ 410 ರನ್​ ವಿಶ್ವಕಪ್​ನಲ್ಲಿ ಐದನೇ ಬೃಹತ್ ಮೊತ್ತವಾಗಿದೆ. ಇದೇ ವರ್ಷದ ವಿಶ್ವಕಪ್​ನಲ್ಲಿ ದಕ್ಷಿಣ ಆಫ್ರಿಕಾ 428 ಗಳಿಸಿದ್ದು ಮೊದಲನೇ ಸ್ಥಾನದಲ್ಲಿದೆ. ನಂತರ ಕ್ರಮವಾಗಿ ಆಸ್ಟ್ರೇಲಿಯಾ (417 -2015 ವಿಶ್ವಕಪ್​), ಭಾರತ (413 - 2007 ವಿಶ್ವಕಪ್​) ಮತ್ತು ದಕ್ಷಿಣ ಆಫ್ರಿಕಾ (411 - 2015 ವಿಶ್ವಕಪ್​) 2 ರಿಂದ 4ನೇ ಸ್ಥಾನದಲ್ಲಿವೆ.

ವಿಶ್ವಕಪ್​ನಲ್ಲಿ ಹೆಚ್ಚಿನ ಅರ್ಧಶತಕ: ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ತಂಡದಿಂದ ಒಟ್ಟಾರೆ 20 ಅರ್ಧಶತಕಗಳು ದಾಖಲಾಗಿವೆ. ಕಳೆದೆಲ್ಲಾ ವಿಶ್ವಕಪ್​ಗಳಿಗಿಂತ ಇದು ಅತಿ ಹೆಚ್ಚಾಗಿದೆ. 2019ರಲ್ಲಿ 19, 2011 ರಲ್ಲಿ - 18 ಮತ್ತು 2003ರಲ್ಲಿ - 17 ಅರ್ಧಶತಕಗಳು ತಂಡದಿಂದ ದಾಖಲಾಗಿದ್ದವು.

4ನೇ ವಿಕೆಟ್​ಗೆ ಅತಿ ದೊಡ್ಡ ವಿಶ್ವಕಪ್​ ಜೊತೆಯಾಟ: ಇಂದಿನ ಪಂದ್ಯದಲ್ಲಿ ರಾಹುಲ್​ ಮತ್ತು ಅಯ್ಯರ್​ 4ನೇ ವಿಕೆಟ್​ಗೆ 208 ರನ್​ಗಳ ಪಾಲುದಾರಿಕೆ ಹಂಚಿಕೊಂಡರು. ಏಕದಿನ ವಿಶ್ವಕಪ್​ನಲ್ಲಿ ಇದು ಭಾರತದ ಪರ ನಾಲ್ಕನೇ ವಿಕೆಟ್​ ನಂತರ ಅತಿದೊಡ್ಡ ಪಾಲುದಾರಿಕೆ ಆಗಿದೆ. ಈ ಹಿಂದೆ ಧೋನಿ - ರೈನಾ (196), ವಿರಾಟ್​ ಕೊಹ್ಲಿ - ಕೆ ಎಲ್​ ರಾಹುಲ್​ (165) ರೆಕಾರ್ಡ್​ಗಳಿದ್ದವು.

ವಿಶ್ವಕಪ್​ನಲ್ಲಿ ವಿಕೆಟ್​ ಕೀಪರ್​ ಗಳಿಸಿದ ಎರಡನೇ ಹೆಚ್ಚಿನ ರನ್​: ಕೋಚ್​ ರಾಹುಲ್​ ದ್ರಾವಿಡ್​ ನಂತರ ವಿಶ್ವಕಪ್​ನಲ್ಲಿ ಟೀಮ್​ ಇಂಡಿಯಾದ ವಿಕೆಟ್​ ಕೀಪರ್​ ಒಬ್ಬ ಗಳಿಸಿದ ದೊಡ್ಡ ಮೊತ್ತ ಇದಾಗಿದೆ. ರಾಹುಲ್​ ದ್ರಾವಿಡ್​ 1999 ವಿಶ್ವಕಪ್​ನಲ್ಲಿ 145 ರನ್​ ಕಲೆಹಾಕಿದ್ದರು. ಈ ದಾಖಲೆ ಈವರೆಗೆ ಅಗ್ರಸ್ಥಾನದಲ್ಲೇ ಇದೆ. ಕೆ ಎಲ್​ ರಾಹುಲ್​ 102 ರನ್​ ಗಳಿಸಿ ಎರಡನೇ ಸ್ಥಾನ ಅಲಂಕರಿಸಿದ್ದಾರೆ. ಇದೇ ವಿಶ್ವಕಪ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ 96 ರನ್​ ಗಳಿಸಿದ್ದು ಎರಡನೇ ಸ್ಥಾನದಲ್ಲಿತ್ತು.

ಇದನ್ನೂ ಓದಿ:ರೋ'ಹಿಟ್'​ ಅಬ್ಬರ: ಸಚಿನ್​ ದಾಖಲೆ ಸರಿಗಟ್ಟಿದ ಶರ್ಮಾ; ಸಿಕ್ಸ್​ನಲ್ಲಿ ಎಬಿಡಿ ರೆಕಾರ್ಡ್​ ಉಡೀಸ್​

TAGGED:

team India recordIndia vs Netherlands MatchICC Cricket World Cup 2023ICC Cricket World CupCricket World Cup 2023

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಗರ್ಭನಿರೋಧಕ ಮಾತ್ರೆಗಳು ಎಷ್ಟು ಅಪಾಯಕಾರಿ?: ಸಂಶೋಧನೆಯಲ್ಲಿ ಬಯಲಾಯ್ತು ಶಾಕಿಂಗ್ ಸತ್ಯ.. ಬಳಸುವ ಮುನ್ನ ಯೋಚಿಸಿ! - Contraceptive Pills Side Effects

ಚಹಾ ಕುಡಿಯುವುದು ಒಳ್ಳೆಯದ್ದಾ,ಕೆಟ್ಟದ್ದಾ?: ಟೀ ಸೇವನೆ ಬಿಡಲು ಸಾಧ್ಯವೇ ಇಲ್ಲವೇ.. ಹಾಗಾದರೆ ಈ 5 ವಿಷಯಗಳನ್ನು ನೆನಪಿನಲ್ಲಿಡಿ! - HOW TO REDUCE TEA SIDE EFFECTS

ವಸಡುಗಳಲ್ಲಿ ರಕ್ತಸ್ರಾವ, ಬಾಯಿ ದುರ್ವಾಸನೆ, ಹಲ್ಲುನೋವು ಸಮಸ್ಯೆಯೇ: ಇಲ್ಲಿದೆ ಸುಲಭ ಪರಿಹಾರ! - Guava Leaves Health Benefits

ನೀವು SBI ಖಾತೆದಾರರಾ?, ಆಫ್​​ಲೈನ್​- ಆನ್​ಲೈನ್​ನಲ್ಲೂ ತಿಳಿಯಬಹುದು ಬ್ಯಾಂಕ್​ ಬ್ಯಾಲೆನ್ಸ್​​.. ಈ ಸ್ಟೆಪ್ಸ್​ಗಳನ್ನು ಫಾಲೋ ಮಾಡಿ! - Check Your SBI Account Balance

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.