ದುಬೈ: ಐಸಿಸಿ ಟಿ-20 ವಿಶ್ವಕಪ್ (ICC T20 World Cup Final) ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಆಸ್ಟ್ರೇಲಿಯಾ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡಿತು. ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಕೀವಿಸ್ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 172 ರನ್ ಗಳಿಸಿದೆ. ಆಸ್ಟ್ರೇಲಿಯಾಗೆ ಗೆಲ್ಲಲು 173 ರನ್ಗಳ ಗುರಿ ನೀಡಿದೆ.
ನ್ಯೂಜಿಲ್ಯಾಂಡ್ ಪರ ಓಪನರ್ ಆಗಿ ಕಣಕ್ಕಿಳಿದ ಮಾರ್ಟಿನ್ ಗಪ್ಟಿಲ್, ಮಿಚೆಲ್ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿ ಕೊಡುವಲ್ಲಿ ಎಡವಿದರು. ಮಿಚಲ್ 11 ರನ್ಗಳಿಸಿದಾಗ ಹ್ಯಾಜಲ್ವುಡ್ಗೆ ವಿಕೆಟ್ ಒಪ್ಪಿಸಿದರು. ಈ ವೇಳೆ ನ್ಯೂಜಿಲ್ಯಾಂಡ್ ತಂಡದ ಮೊತ್ತ 28 ರನ್ ಆಗಿತ್ತು.
ಮಿಚಲ್ ನಂತರ ಕ್ರೀಸ್ಗಿಳಿದ ನಾಯಕ ವಿಲಿಯಮ್ಸನ್, ಗಪ್ಟಿಲ್ ಜೊತೆ ಸೇರೆ ಜವಾಬ್ದಾರಿಯುತ ಇನ್ನಿಂಗ್ಸ್ ಕಟ್ಟಿದರು. ಈ ಜೋಡಿ 7 ಓವರ್ಗಳಲ್ಲಿ 40 ರನ್ಗಳ ಜೊತೆಯಾಟವಾಡಿತು. ಆದರೆ, ಆ್ಯಂಡ ಜಂಪಾ, ಗಪ್ಟಿಲ್ 28 ರನ್ಗಳಿಸಿದ್ದಾಗ ವಿಕೆಟ್ ಪಡೆಯುವ ಮೂಲಕ ಈ ಜೋಡಿಯನ್ನ ಬೇರ್ಪಡಿಸಿದರು.
ಗಪ್ಟಿಲ್ ವಿಕೆಟ್ ನಂತರ ಬಂದ ಗ್ಲೆನ್ ಪಿಲಿಪ್ಸ್ ಕೊನೆಯ ಓವರ್ಗಳಲ್ಲಿ ನಾಯಕನ ಜೊತೆಗೂಡಿ ಅಬ್ಬರದ ಆಟವಾಡುವ ಮೂಲಕ ರನ್ಗತಿಗೆ ವೇಗ ತುಂಬಿದರು. ಅಂತಿಮವಾಗಿ ಗ್ಲೆನ್ ಪಿಲಿಪ್ಸ್ 18 ರನ್ಗಳಿಸಿ ಔಟಾದರು.
ಇತ್ತ ನಾಯಕನ ಆಟವಾಡಿದ ವಿಲಿಯಮ್ಸನ್ ಅಬ್ಬರದ ಬ್ಯಾಟಿಂಗ್ನಿಂದ 85 ರನ್ಗಳಿಸಿ ಹ್ಯಾಜಲ್ವುಡ್ಗೆ ವಿಕೆಟ್ ನೀಡಿದರು. ಅಂತಿಮವಾಗಿ ಇನ್ನೂ ಕೇವಲ ಮೂರು ಓವರ್ಗಳಿದ್ದಾಗ ಕ್ರೀಸ್‌ಗೆ ಬಂದ ಜೇಮ್ಸ್ ನಿಶಮ್ 13* ಮತ್ತು ಟಿಮ್ ಸಿಫರ್ಟ್ 6* ಅಬ್ಬರದ ಆಟವಾಡಿದರು.
ಇನ್ನೂ ಆಸ್ಟ್ರೇಲಿಯಾ ಪರ ಉತ್ತಮ ದಾಳಿ ನಡೆಸಿದ ಹ್ಯಾಜಲ್ವುಡ್ ಮೂರು ವಿಕೆಟ್ ಪಡೆದು ಮಿಂಚಿದರೆ, ಆ್ಯಂಡ ಜಂಪಾ ಒಂದು ವಿಕೆಟ್ ಪಡೆದರು.
