ETV Bharat / sports

Brian Lara: ಭಾರತ ನನ್ನ ಎರಡನೇ ತವರು.. ಟೀಮ್ ಇಂಡಿಯಾದಲ್ಲಿ ಉತ್ತಮ ಯುವ ಆಟಗಾರರು ಕ್ರಿಕೆಟ್​ಗೆ ಬರುತ್ತಿದ್ದಾರೆ: ಲಾರಾ

author img

By

Published : Aug 2, 2023, 8:01 PM IST

Ishan Kishan and Shubman Gill meet Brian Lara
Ishan Kishan and Shubman Gill meet Brian Lara

ಭಾರತದ ತಂಡ ಯುವ ಆಟಗಾರರಾದ ಇಶಾನ್​ ಕಿಶನ್​ ಮತ್ತು ಶುಭಮನ್​ ಗಿಲ್​ ವಿಂಡೀಸ್​ ದಂತಕಥೆ ಬ್ರಿಯಾನ್​ ಲಾರಾ ಅವರನ್ನು ಭೇಟಿ ಆಗಿದ್ದು, ಅವರ ಬಗೆಗಿನ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.

ತರೌಬಾ (ವೆಸ್ಟ್​​ ಇಂಡೀಸ್​): ಭಾರತದ ಯುವ ಬ್ಯಾಟ್ಸ್‌ಮನ್‌ಗಳಾದ ಇಶಾನ್ ಕಿಶನ್ ಮತ್ತು ಶುಭಮನ್ ಗಿಲ್ ತಮ್ಮ ಜೀವಿತಾವಧಿಯ ಒಂದು ಕ್ಷಣವನ್ನು 'ಪ್ರಿನ್ಸ್ ಆಫ್ ಟ್ರಿನಿಡಾಡ್' ಎಂದು ಕರೆಸಿಕೊಳ್ಳುವ ವೆಸ್ಟ್ ಇಂಡೀಸ್ ದಂತಕಥೆ ಬ್ರಿಯಾನ್ ಲಾರಾ ಅವರೊಂದಿಗೆ ಕಳೆದಿದ್ದಾರೆ. ಗಿಲ್ ಮತ್ತು ಕಿಶನ್ ಲಾರಾ ಅವರೊಂದಿಗೆ ಕೆಲ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. ವಿಂಡೀಸ್​ ವಿರುದ್ಧದ ಮೂರನೇ ಏಕದಿನ ಪಂದ್ಯ ಬ್ರಿಯಾನ್​ ಲಾರಾ ಅವರ ಹೆಸರಿನ ಕ್ರೀಡಾಂಗಣದಲ್ಲಿ ನಡೆಯಿತು. ಇಲ್ಲಿ ಇಬ್ಬರು ಯುವ ಬ್ಯಾಟರ್​ಗಳು ಅರ್ಧಶತಕದ ಉತ್ತಮ ಬ್ಯಾಟಿಂಗ್​ ಪ್ರದರ್ಶನವನ್ನು ನೀಡಿದರು.

ಮುಕೇಶ್ ಕುಮಾರ್ ಮತ್ತು ಶಾರ್ದೂಲ್ ಠಾಕೂರ್ ಪ್ರಭಾವಿ ಬೌಲಿಂಗ್​ಗೆ ಭಾರತದ ಬ್ಯಾಟರ್​ಗಳು ನೀಡಿದ್ದ 351 ರನ್​ ಗುರಿಯನ್ನು ಬೆನ್ನತ್ತಿದ್ದ ವಿಂಡೀಸ್​ ಪಡೆ 151ಕ್ಕೆ ಸರ್ವಪತನ ಕಂಡಿತು. ಇದರಿಂದ ಮಂಗಳವಾರ ನಡೆದ ಪಂದ್ಯದಲ್ಲಿ ಭಾರತ ತಂಡ 200 ರನ್​ನ ಬೃಹತ್​ ಅಂತರದ ದಾಖಲೆಯ ಗೆಲುವನ್ನು ಬರೆಯಿತು. ಇದರಿಂದ ಟೀಮ್​ ಇಂಡಿಯಾ ಸರಣಿಯನ್ನು 2-1ರ ಅಂತರದಲ್ಲಿ ವಶಪಡಿಸಿಕೊಂಡಿತು.

ಲಾರಾ ಕಿಶನ್​ಗೆ ನಿಮ್ಮ ಮನಸ್ಸಿನಲ್ಲಿ ಇನ್ನೂ ದ್ವಿಶತಕ ಮಾಡುವ ಇಂಗಿತ ಇದೆಯೇ ಎಂದು ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿರುವ ಕಿಶನ್​ "ನನ್ನ ಮನಸ್ಸಿನಲ್ಲಿ ದ್ವಿಶತಕ ಮಾಡುವ ಆಸೆ ಇದೆ, ಆದರೆ ಮುಂದಿನ ಪಂದ್ಯಗಳಲ್ಲಿ ನಾನು ಅದನ್ನು ನೋಡಿಕೊಳ್ಳುತ್ತೇನೆ." ಎಂದಿದ್ದಾರೆ.

ಬೌಲರ್‌ಗಳ ಮೇಲೆ ಲಾರಾ ಅವರ ಪ್ರಾಬಲ್ಯವು ಮಗುವಾಗಿದ್ದಾಗ ಅವರಿಗೆ ಸಾಕಷ್ಟು ಸ್ಫೂರ್ತಿ ನೀಡಿತು ಎಂದು ಗಿಲ್ ಹೇಳಿದರು. "ಅವರ ಬಗ್ಗೆ ನನ್ನ ಅಚ್ಚುಮೆಚ್ಚಿನ ನೆನಪುಗಳು ಬಾಲ್ಯದಲ್ಲಿ ಅವರ ಆಟವನ್ನು ನೋಡಿದ್ದಾಗಿದೆ. ನಾನು ಅವರು ಕೆಂಪು ಬಾಲ್​ನಲ್ಲಿ ಎದುರಾಳಿ ಬೌಲರ್​ಗಳನನ್ಉ ದಂಡಿಸುವುದನ್ನು ನೋಡಿದಾಗಲೆಲ್ಲಾ ಹೆಚ್ಚು ಸ್ಫೂರ್ತಿ ಪಡೆದಿದ್ದೇನೆ. ಕ್ರೀಡೆಯ ಬಗ್ಗೆ ಆಸಕ್ತಿ ಬೆಳೆಯಲು ನೀವು (ಲಾರಾ) ಕೂಡಾ ಕಾರಣ. ಎಲ್ಲಾ ಮಾದರಿಯ ಕ್ರಿಕೆಟ್​ನಲ್ಲಿ ಹೇಗೆ ಪ್ರಾಬಲ್ಯವನ್ನು ಸಾಧಿಸಲು ಸಾಧ್ಯವಾಗುತ್ತದೆ" ಎಂದು ಗಿಲ್​ ಕೇಳಿದ್ದಾರೆ.

ಲಾರಾ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಕಮೆಂಟ್​ ಮಾಡಿದ್ದರ ಬಗ್ಗೆ ಕಿಶನ್​ ನೆನಪಿಸಿಕೊಂಡಿದ್ದಾರೆ. "ನನಗೆ ಅತ್ಯಂತ ಮುಖ್ಯವಾಗಿ ನೆನಪಾಗುವ ಕಥೆ ಎಂದರೆ ನೀವು ಯಾವಾಗಲೂ ಊಟದ ತನಕ ಬ್ಯಾಟಿಂಗ್ ಮಾಡುತ್ತಿದ್ದೀರಿ ಮತ್ತು ನೀವು ಪಿಚ್‌ನಲ್ಲಿದ್ದರೆ, ನೀವು ಅಭ್ಯಾಸ ಮಾಡುತ್ತಿದ್ದೀರಿ ಮತ್ತು ಮತ್ತೊಮ್ಮೆ ಬ್ಯಾಟಿಂಗ್ ಮಾಡಲು ಮೈದಾನಕ್ಕೆ ಹಿಂತಿರುಗುತ್ತೀರಿ. ಅದು ನಿಮ್ಮಿಂದ ಈ ದೀರ್ಘ ಸಮಯದ ಬ್ಯಾಟಿಂಗ್​ ಬಗ್ಗೆ ಕಲಿಯಬೇಕಾಗಿದೆ. ನೀವು ನನಗೆ Instagram ನಲ್ಲಿ ಸಂದೇಶ ಕಳುಹಿಸಿದ್ದೀರಿ. ಕ್ರಿಕೆಟ್​ನ ದಂತಕಥೆಯಾದ ನೀವು (ಲಾರಾ) ನನಗೆ ಹೇಗೆ ಸಂದೇಶ ಕಳುಹಿಸಲು ಸಾಧ್ಯ ಎಂದುಕೊಂಡು ನಾನು ಅಚ್ಚರಿಗೊಳಗಾಗಿದ್ದೇನೆ. ನಾನು ಇಲ್ಲಿ ಪ್ರದರ್ಶನ ನೀಡುವುದು ನಿಜವಾಗಿಯೂ ವಿಶೇಷವಾಗಿತ್ತು. ನಾನು ನಿಮ್ಮ ಇನ್ನಿಂಗ್ಸ್​​ಗಳ ಹೈಲೈಟ್‌ಗಳನ್ನು ನೋಡಿದ್ದೇನೆ" ಎಂದು ಕಿಶನ್ ಹೇಳಿದ್ದಾರೆ.

ಭಾರತ ನನಗೆ ಎರಡನೇ ತವರು ನೆಲ ಇದ್ದಂತೆ ಎಂದು ಲಾರಾ ಹೇಳಿದ್ದಾರೆ. "ಭಾರತ ನನಗೆ ಎರಡನೇ ಮನೆಯಂತಿದೆ. ನಾನು ತಂಡದಿಂದ ಯುವ, ಭರವಸೆಯ ಪ್ರತಿಭೆಗಳನ್ನು ನೋಡುತ್ತಿದ್ದೇನೆ, ಭಾರತದಲ್ಲಿ ಕ್ರಿಕೆಟ್​ ಉತ್ತಮವಾಗಿ ಬೆಳೆಯುತ್ತಿದೆ. ಎರಡು, ಮೂರರಿಂದ ಹನ್ನೊಂದರವರೆಗೆ ಉತ್ತಮ ಆಟಗಾರರನ್ನು ನಾವು ಕಾಣಬಹುದು" ಎಂದು ಲಾರಾ ಹೇಳಿದ್ದಾರೆ.

ಇದನ್ನೂ ಓದಿ: India vs West Indies: ವಿಂಡೀಸ್​ ವಿರುದ್ಧ ನಾಲ್ಕನೇ ಸರಣಿ ಗೆಲ್ಲಲು ಟೀಮ್​ ಇಂಡಿಯಾ ಸಿದ್ಧತೆ.. ಹಾರ್ದಿಕ್​ ನಾಯಕತ್ವದಲ್ಲಿ ಹೀಗಿರಲಿದೆ ಆಡುವ ಬಳಗ ಸಿದ್ಧ

TAGGED:

Ishan KishanShubman GillBrian Laraಭಾರತ ನನ್ನ ಎರಡನೇ ತವರುಇಶಾನ್​ ಕಿಶನ್​ಶಭಮನ್​ ಗಿಲ್

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಸಿಡಿಲು ಅಬ್ಬರಿಸುವಾಗ ಸ್ಮಾರ್ಟ್​ಫೋನ್​ ಬಳಕೆ ಬೇಡ; ಇಲ್ಲದಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ!.. ಏಕೆಂದರೆ? - Mobile Phone During Thunderstorm

ಮೇ 26ಕ್ಕೆ JEE Advanced: ಪ್ರವೇಶ ಪತ್ರ ಹೀಗೆ ಡೌನ್ಲೋಡ್​ ಮಾಡಿ: ಈ ಬಾರಿ ಏನೆಲ್ಲಾ ನಿಯಮ, ಯಾವುದಕ್ಕೆಲ್ಲಾ ಇಲ್ಲ ಅವಕಾಶ? - How to download admit card

ಗೊತ್ತಿಲ್ಲದ ಸ್ಥಳ, ಒಬ್ಬಂಟಿಯೆಂಬ ಭಯವೇ? ಯುವತಿಯರೇ, ನಿಮ್ಮ ಮೊಬೈಲ್​ನಲ್ಲಿರಲಿ ಈ ಆ್ಯಪ್​! - My Safetipin App

BEMLನಲ್ಲಿ ಅಸಿಸ್ಟೆಂಟ್​ ಮ್ಯಾನೇಜರ್​ ಹುದ್ದೆಗೆ ನೇಮಕಾತಿ; ಇಲ್ಲಿದೆ ಸಂಪೂರ್ಣ ಮಾಹಿತಿ - Assistant Manager Recruitment

ಟ್ರೆಂಡಿಂಗ್

(ಯಾವುದೇ ವಿಷಯದ ಮೇಲೆ ಕ್ಲಿಕ್ ಮಾಡಿ)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.